ഫുട്ബോൾ കാണാൻ തുടങ്ങിയത് റൊണാൾഡോയെ കണ്ട്, അദ്ദേഹത്തെ പോലെ മറ്റൊരാളില്ല, ബെൻസിമ പറയുന്നു !

ബ്രസീലിയൻ ഇതിഹാസതാരം റൊണാൾഡോയായിരുന്നു തന്റെ ആരാധനാപാത്രമെന്ന് ബെൻസിമയുടെ വെളിപ്പെടുത്തൽ. കഴിഞ്ഞ ദിവസം മൂവീ സ്റ്റാറിന്റെ ഒരു പരിപാടിയിൽ സംസാരിക്കുന്ന വേളയിലാണ് ബെൻസിമ റൊണാൾഡോയെ കുറിച്ചു വാഴ്ത്തിപ്പറഞ്ഞത്. താൻ ഫുട്ബോൾ കാണാൻ കാരണം തന്നെ റൊണാൾഡോയാണെന്നും അദ്ദേഹത്തെ പോലെയൊരു സ്‌ട്രൈക്കർ പിന്നീട് ഉണ്ടായിട്ടില്ലെന്നും ബെൻസിമ തുറന്നു പറഞ്ഞു. ഒരു സ്‌ട്രൈക്കർ എങ്ങനെയായിരിക്കണമെന്നതിനുള്ള ഉത്തമഉദാഹരണമാണ് റൊണാൾഡോയെന്നും അദ്ദേഹത്തിൽ നിന്ന് ഒരുപാട് കാര്യങ്ങൾ പഠിക്കാനുണ്ടെന്നും ബെൻസിമ അറിയിച്ചു. നിലവിൽ റയൽ മാഡ്രിഡിന്റെ പ്രധാനപ്പെട്ട താരമാണ് ബെൻസിമ. തന്റെ ജീവിതം തന്നെ റയൽ മാഡ്രിഡാണെന്നും വെളിപ്പെടുത്തി. മുമ്പ്, ഇപ്പോഴത്തെ ലോകത്തിലെ ഏറ്റവും ഡ്രിബ്ലർ ആരെന്ന ചോദ്യത്തിന് ബെൻസിമ ഉത്തരം നൽകിയത് ബ്രസീലിയൻ താരം നെയ്മർ ജൂനിയർ എന്നായിരുന്നു.

” എന്റെ ചെറുപ്രായത്തിൽ തന്നെ ഞാൻ ആരാധിച്ചിരുന്ന ഒരു താരമാണ് റൊണാൾഡോ. ഞാൻ ഫുട്ബോൾ കണ്ടുതുടങ്ങാൻ തന്നെ കാരണം അദ്ദേഹമാണ്. ഞാൻ അദ്ദേഹത്തിന്റെ ഓരോ ചലനങ്ങളും സൂക്ഷ്മമായി നിരീക്ഷിക്കാറുണ്ടായിരുന്നു. അത് പകർത്താനും അനുകരിക്കാനുമാണ് ഞാൻ ശ്രമിച്ചിരുന്നത്. പക്ഷെ അദ്ദേഹത്തെ പോലെ മറ്റൊരാളില്ല.ചില താരങ്ങൾക്ക്‌ അദ്ദേഹത്തിന്റെ വേഗത ലഭിച്ചിട്ടുണ്ട്. പക്ഷെ അവർക്ക് അദ്ദേഹത്തിന്റെ ബോളിന്മേലുള്ള നിയന്ത്രണമോ സ്കില്ലോ ലഭിച്ചിട്ടില്ല. ചില ആളുകൾ ചിന്തിക്കുന്നത് അദ്ദേഹം ഗോളടിക്കുക മാത്രമാണ് ചെയ്യുന്നത് എന്നാണ്. പക്ഷെ അദ്ദേഹത്തിന് എല്ലാം ചെയ്യാം കഴിയും. സ്‌ട്രൈക്കർമാർക്ക് ഒരുപാട് കാര്യങ്ങളെ കുറിച്ച് അറിയേണ്ടതുണ്ട്. ഗോളടിക്കാൻ മാത്രം അറിഞ്ഞാൽ പോരാ. അദ്ദേഹം അതിന് ഒരു ഉത്തമഉദാഹരണമാണ്. എനിക്ക് അദ്ദേഹത്തിൽ സിദാനിൽ നിന്നും ഒട്ടേറെ പഠിക്കാനുണ്ട് ” ബെൻസിമ പറഞ്ഞു.