തകർന്ന് തരിപ്പണമായി പിഎസ്ജി, ലോക ചാമ്പ്യന്മാരായി റയൽ മാഡ്രിഡ്!

ഇന്നലെ നടന്ന ക്ലബ്ബ് വേൾഡ് കപ്പ് ഫൈനൽ മത്സരത്തിൽ റയൽ മാഡ്രിഡിന് വിജയം. മൂന്നിനെതിരെ അഞ്ച് ഗോളുകൾക്കാണ് ഏഷ്യൻ വമ്പൻമാരായ അൽ ഹിലാലിനെ റയൽ മാഡ്രിഡ് പരാജയപ്പെടുത്തിയത്. ഇതോടെ ഒരിക്കൽ കൂടി ക്ലബ്ബ് വേൾഡ് കപ്പ് കിരീടം നേടാൻ റയൽ മാഡ്രിഡിന് സാധിച്ചു.

വിനീഷ്യസ് ജൂനിയറുടെ തകർപ്പൻ പ്രകടനമാണ് ഈ വിജയം നേടാൻ റയലിനെ സഹായിച്ചത്. രണ്ട് ഗോളുകളും ഒരു അസിസ്റ്റുമാണ് താരം സ്വന്തമാക്കിയത്.ഫെഡറിക്കോ വാൽവെർദെയും ഇരട്ട ഗോളുകൾ നേടിയപ്പോൾ ഒരു ഗോൾ ബെൻസിമയുടെ വകയായിരുന്നു.അൽ ഹിലാലിന് വേണ്ടി മറേഗ ഒരു ഗോൾ നേടിയപ്പോൾ ലൂസിയാനോ രണ്ട് ഗോളുകൾ നേടി.

അതേസമയം ഇന്നലെ ലീഗ് വണ്ണിൽ നടന്ന മത്സരത്തിൽ വമ്പൻമാരായ പിഎസ്ജി തകർന്നടിഞ്ഞിട്ടുണ്ട്. ഒന്നിനെതിരെ 3 ഗോളുകൾക്കാണ് മൊണാക്കോ പിഎസ്ജിയെ പരാജയപ്പെടുത്തിയത്.സൂപ്പർ താരങ്ങളായ ലയണൽ മെസ്സി,കിലിയൻ എംബപ്പേ എന്നിവർ ഈ മത്സരത്തിൽ ഉണ്ടായിരുന്നില്ല.നെയ്മർ ജൂനിയർ ഉണ്ടായിരുന്നു.

ബെൻ യെഡറുടെ ഇരട്ട ഗോളുകളാണ് മോണോക്കോക്ക് ഈ വിജയം സമ്മാനിച്ചത്.ഒരു ഗോൾ ഗോലോവിൻ നേടി.സൈറേ എമരിയായിരുന്നു പിഎസ്ജിയുടെ ആശ്വാസ ഗോൾ കണ്ടെത്തിയിരുന്നത്. പരാജയപ്പെട്ടെങ്കിലും ഒന്നാം സ്ഥാനത്ത് തുടരുന്നത് പിഎസ്ജി തന്നെയാണ്.