ഏറ്റവും കൂടുതൽ മാന്ത്രികത കാണിച്ച താരം: ഇനിയേസ്റ്റക്ക് വിടവാങ്ങൽ സന്ദേശവുമായി മെസ്സി!
സ്പാനിഷ് ഇതിഹാസമായ ആൻഡ്രസ് ഇനിയേസ്റ്റ തന്റെ പ്രൊഫഷണൽ ഫുട്ബോൾ കരിയർ അവസാനിപ്പിച്ചിട്ടുണ്ട്. സാമൂഹിക മാധ്യമങ്ങളിലൂടെയാണ് ഇനിയേസ്റ്റ വിരമിക്കൽ പ്രഖ്യാപനം നടത്തിയിട്ടുള്ളത്. 40 വയസ്സുകാരനായ ഈ താരം 962 മത്സരങ്ങളാണ് കരിയറിൽ കളിച്ചിട്ടുള്ളത്. നിരവധി കിരീടനേട്ടങ്ങൾ അദ്ദേഹം സ്വന്തമാക്കിയിട്ടുണ്ട്. വേൾഡ് കപ്പും യൂറോ കപ്പും ചാമ്പ്യൻസ് ലീഗുകളുമൊക്കെ തന്റെ കരിയറിൽ സ്വന്തമാക്കിയിട്ടുള്ള താരം കൂടിയാണ് ഇനിയേസ്റ്റ.
ലയണൽ മെസ്സിയും ഇനിയേസ്റ്റയും ബാഴ്സലോണയിൽ ഒരുപാട് കാലം ഒരുമിച്ച് കളിച്ചവരാണ്. ആ കാലയളവിലാണ് ബാഴ്സലോണ ഒരുപിടി നേട്ടങ്ങൾ കരസ്ഥമാക്കിയിട്ടുള്ളത്.ഏതായാലും തന്റെ സുഹൃത്തിന് മെസ്സിയൊരു വിടവാങ്ങൽ സന്ദേശം തന്റെ ഇൻസ്റ്റാഗ്രാമിലൂടെ നൽകിയിട്ടുണ്ട്. നിങ്ങളൊരു അത്ഭുതപ്രതിഭാസമാണെന്നും ഫുട്ബോൾ നിങ്ങളെ മിസ്സ് ചെയ്യും എന്നുമാണ് മെസ്സി എഴുതിയിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.
” എന്റെ കൂടെ കളിച്ചവരിൽ ഞാൻ ഏറ്റവും കൂടുതൽ ആസ്വദിച്ച താരം,എന്നോടൊപ്പം കളിച്ചവരിൽ ഏറ്റവും കൂടുതൽ മാജിക് കാണിച്ച താരം,തീർച്ചയായും ഫുട്ബോൾ നിങ്ങളെ മിസ്സ് ചെയ്യുന്നു.ഞങ്ങളെല്ലാവരും നിങ്ങളെ മിസ്സ് ചെയ്യും.നിങ്ങൾക്ക് എല്ലാവിധ ആശംസകളും നേരുന്നു. നിങ്ങളൊരു അത്ഭുതപ്രതിഭാസമാണ് ” ഇതാണ് ഇനിയേസ്റ്റയെ മെൻഷൻ ചെയ്തുകൊണ്ട് മെസ്സി എഴുതിയിട്ടുള്ളത്.
2018ലായിരുന്നു ഇനിയേസ്റ്റ ബാഴ്സലോണയോട് വിട പറഞ്ഞത്.അതിനുശേഷം ദീർഘകാലം ജപ്പാനിലാണ് താരം കളിച്ചത്. ഏറ്റവും ഒടുവിൽ UAE ക്ലബ്ബായ എമിറേറ്റസ് ക്ലബ്ബിന് വേണ്ടിയാണ് അദ്ദേഹം കളിച്ചിട്ടുള്ളത്. തുടർന്ന് ഈ മധ്യനിര താരം കളി അവസാനിപ്പിക്കാൻ തീരുമാനിക്കുകയായിരുന്നു
