എംബപ്പേ വിനീഷ്യസിനോട് അഡാപ്റ്റാവുകയാണ് വേണ്ടത്: പൈറസ്

റയൽ മാഡ്രിഡിൽ ബുദ്ധിമുട്ടേറിയ ഒരു തുടക്കമാണ് സൂപ്പർ താരം കിലിയൻ എംബപ്പേക്ക് ലഭിച്ചിട്ടുള്ളത്. 16 മത്സരങ്ങൾ കളിച്ചിട്ട് 8 ഗോളുകളാണ് അദ്ദേഹം നേടിയിട്ടുള്ളത്. അതിൽ മൂന്ന് ഗോളുകളും പെനാൽറ്റിയിൽ നിന്നാണ് അദ്ദേഹം സ്വന്തമാക്കിയിട്ടുള്ളത്. അവസാനത്തെ 7 മത്സരങ്ങളിൽ നിന്ന് കേവലം ഒരു ഗോൾ മാത്രമാണ് എംബപ്പേ നേടിയിട്ടുള്ളത്. അതേസമയം അദ്ദേഹത്തിന്റെ സഹതാരമായ വിനീഷ്യസ് ജൂനിയർ ഗംഭീര പ്രകടനമാണ് ഇപ്പോൾ നടത്തിക്കൊണ്ടിരിക്കുന്നത്.ആകെ 17 മത്സരങ്ങൾ കളിച്ച താരം 12 ഗോളുകളും 7 അസിസ്റ്റുകളും സ്വന്തമാക്കിയിട്ടുണ്ട്.ഈയിടെ രണ്ട് ഹാട്രിക്ക്കളും അദ്ദേഹം പൂർത്തിയാക്കിയിരുന്നു.

മുൻ ഫ്രഞ്ച് താരമായിരുന്ന റോബർട്ട് പൈറസ് ഇക്കാര്യത്തിൽ തന്റെ അഭിപ്രായം രേഖപ്പെടുത്തിയിട്ടുണ്ട്.എംബപ്പേ വിനീഷ്യസിനോട് അഡാപ്റ്റാവുകയാണ് വേണ്ടത് എന്നാണ് അദ്ദേഹം പറഞ്ഞിട്ടുള്ളത്. രണ്ടുപേർക്കും അനുയോജ്യമായ ഒരു ശൈലി ആഞ്ചലോട്ടി കണ്ടെത്തേണ്ടതുണ്ട് എന്നും പൈറസ് പറഞ്ഞിട്ടുണ്ട്. അദ്ദേഹത്തിന്റെ വാക്കുകൾ ഇങ്ങനെയാണ്.

” ഫ്രാൻസിലും സ്പെയിനിലും വലിയ വിമർശനങ്ങളാണ് ഇപ്പോൾ എംബപ്പേക്ക് ലഭിച്ചുകൊണ്ടിരിക്കുന്നത്.നിലവിൽ അദ്ദേഹം അദ്ദേഹത്തിന്റെ മികച്ച ഫോമിൽ അല്ല.റയലിന്റെ പ്രധാനപ്പെട്ട താരമായി മാറാൻ അദ്ദേഹത്തിന് കഴിഞ്ഞിട്ടില്ല.ഗോളുകൾ നേടുന്നില്ല.അവസരങ്ങൾ ഒരുക്കുന്നില്ല.എംബപ്പേ വന്നതുകൊണ്ട് തന്നെ വലിയ പ്രതീക്ഷകൾ ഉണ്ടായിരുന്നു. പുതിയ ലീഗും പുതിയ സഹതാരങ്ങളുമാണ് അദ്ദേഹത്തിന് ലഭിച്ചിട്ടുള്ളത്.അഡാപ്റ്റാവാൻ സമയമെടുക്കും. തന്റെ പ്രകടനം മെച്ചപ്പെടുത്തേണ്ടതുണ്ട് എന്ന് അദ്ദേഹം തന്നെ മനസ്സിലാക്കണം.വിനീഷ്യസുമായി അഡാപ്റ്റാവാൻ എംബപ്പേ ശ്രമിക്കണം.റയലിന്റെ ടാക്റ്റിക്കൽ സിസ്റ്റവുമായി അഡാപ്ടവാൻ എംബപ്പേ ശ്രമിക്കണം. പരിശീലകൻ ആഞ്ചലോട്ടി ചെയ്യേണ്ട കാര്യം രണ്ടുപേർക്കും അനുയോജ്യമായ ഒരു ശൈലി ഉണ്ടാക്കിയെടുക്കുക എന്നതാണ് ” ഇതാണ് പൈറസ് പറഞ്ഞിട്ടുള്ളത്.

ഇത്തവണത്തെ ഇന്റർനാഷണൽ ബ്രേക്കിലും എംബപ്പേ ഫ്രാൻസിന് വേണ്ടി കളിക്കുന്നില്ല.അതുകൊണ്ടുതന്നെ വലിയ വിമർശനങ്ങളാണ് ഫ്രാൻസിൽ നിന്നും അദ്ദേഹത്തിന് ലഭിക്കുന്നത്.എംബപ്പേ അധികം വൈകാതെ തന്നെ തന്റെ മികവ് വീണ്ടെടുക്കും എന്നാണ് റയൽ മാഡ്രിഡ് ആരാധകർ പ്രതീക്ഷിക്കുന്നത്.