എംബപ്പേയെ കുറിച്ച് വായിക്കൽ പോലുമില്ല,ഞങ്ങളുടെ വിനീഷ്യസും റോഡ്രിഗോയും ബാലൻഡിയോർ നേടും : പെരസ്

ഈ വർഷത്തെ ഏറ്റവും മികച്ചതാരത്തിനുള്ള ബാലൻഡിയോർ പുരസ്കാരം കരിം ബെൻസിമ സ്വന്തമാക്കിയിരുന്നു. ഈ പുരസ്കാര ദാന ചടങ്ങിൽ പങ്കെടുക്കാൻ കിലിയൻ എംബപ്പേ എത്തിയിരുന്നു.മാത്രമല്ല റയൽ മാഡ്രിഡിന്റെ പ്രസിഡന്റായ ഫ്ലോറെന്റിനോ പെരസും ചടങ്ങിൽ പങ്കെടുത്തിരുന്നു.

ഈ സമയത്ത് റയൽ പ്രസിഡന്റിനോട് കിലിയൻ എംബപ്പേയെ കുറിച്ച് ചോദിക്കപ്പെട്ടിരുന്നു.എന്നാൽ എംബപ്പേയെ പറ്റിയുള്ള റൂമറുകൾ തന്നെ മടുപ്പിച്ചിട്ടില്ലെന്നും എംബപ്പേയെ കുറിച്ചുള്ള വാർത്തകൾ താൻ വായിക്കൽ പോലുമില്ല എന്നാണ് പെരസ് പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ പ്രമുഖ ഫ്രഞ്ച് മാധ്യമമായ RMC സ്പോർട് റിപ്പോർട്ട് ചെയ്യുന്നത് ഇങ്ങനെയാണ്.

” കിലിയൻ എംബപ്പേയെ കുറിച്ചുള്ള റൂമറുകൾ എനിക്ക് മടുപ്പൊന്നും ഉണ്ടാക്കിയിട്ടില്ല. കാരണം ഞാൻ അദ്ദേഹത്തെ കുറിച്ചുള്ള വാർത്തകൾ വായിക്കാറില്ല. ഞങ്ങൾക്ക് ഇപ്പോൾ വിനീഷ്യസ് ജൂനിയറും റോഡ്രിഗോയുമുണ്ട്. ഭാവിയിൽ അവർക്ക് രണ്ടുപേർക്കും ബാലൻഡിയോർ പുരസ്കാരം നേടാൻ സാധിക്കും ” പെരസ് പറഞ്ഞു.

കഴിഞ്ഞ സമ്മർ ട്രാൻസ്ഫർ ജാലകത്തിൽ എംബപ്പേ റയൽ മാഡ്രിഡിലേക്ക് പോകാൻ സമ്മതിക്കുകയും പിഎസ്ജിയുമായുള്ള കരാർ പുതുക്കുകയും ചെയ്യുകയായിരുന്നു. അത് റയൽ മാഡ്രിഡിന് വലിയ തിരിച്ചടി ഏൽപ്പിച്ചിരുന്നു. ഇപ്പോൾ വീണ്ടും എംബപ്പേ റയലിലേക്ക് എത്തുമെന്നുള്ള റൂമറുകൾ സജീവമാകുന്നുണ്ട്.