ഈ സ്‌ക്വാഡിൽ ആരാധകർ ശുഭാപ്തി വിശ്വാസം പുലർത്തുന്നുണ്ട് : ഡി ജോങ്!

ഈ ട്രാൻസ്ഫർ ജാലകത്തിൽ നാല് മികച്ച താരങ്ങളെ ടീമിലേക്ക് എത്തിക്കാൻ ബാഴ്സക്ക്‌ സാധിച്ചിരുന്നു. തുടർന്ന് നടന്ന മൂന്ന് പ്രീ സീസൺ മത്സരങ്ങളിലും ബാഴ്‌സ വിജയം കൊയ്തിരുന്നു. പ്രത്യേകിച്ച് ബാഴ്‌സയുടെ യുവതാരങ്ങളും പുതുതായി എത്തിയ ഡീപേയുമൊക്കെ മികച്ച പ്രകടനം പുറത്തെടുത്തിരുന്നു. അത്കൊണ്ട് തന്നെ ബാഴ്‌സയുടെ ഈയൊരു സ്‌ക്വാഡിൽ ആരാധകർ ശുഭാപ്തി വിശ്വാസം പുലർത്തുന്നുണ്ടാകാം എന്ന അഭിപ്രായവുമായി രംഗത്ത് വന്നിരിക്കുകയാണിപ്പോൾ ബാഴ്‌സയുടെ മധ്യനിര താരമായ ഫ്രങ്കി ഡി ജോങ്.സ്റ്റുട്ട്ഗർട്ടിനെതിരെയുള്ള മത്സരത്തിൽ എതിരില്ലാത്ത മൂന്ന് ഗോളുകൾക്ക്‌ വിജയിച്ച ശേഷം ഡി ജോങ് സ്പാനിഷ് മാധ്യമമായ സ്പോർട്ടിന് ഒരു ഇന്റർവ്യൂ നൽകിയിരുന്നു. ഈയൊരു ഇന്റർവ്യൂവിലാണ് ഡി ജോങ് പുതിയ സീസണിലെ പ്രതീക്ഷകളെ കുറിച്ച് മനസ്സ് തുറന്നത്.

” കഴിഞ്ഞ സീസണിനേക്കാൾ ഈ സീസണിൽ ഇമ്പ്രൂവ് ആകാൻ ഞങ്ങൾക്ക്‌ സാധിച്ചിട്ടുണ്ട്.ഒരു ടീം എന്ന നിലയിൽ ഞങ്ങൾ വളർച്ചയുടെ പാതയിലാണ്.ഒരുപാട് ക്വാളിറ്റിയുള്ള താരങ്ങൾ ഇവിടെയുണ്ട്. ഇവിടുത്തെ അന്തരീക്ഷം ഇപ്പോൾ നല്ല രൂപത്തിലുള്ളതാണ്.ഒരുപാട് പ്രതിഭയും കരുത്തുമുള്ള ഒട്ടേറെ യുവതാരങ്ങൾ ഇപ്പോൾ വന്നിട്ടുണ്ട്.എല്ലാത്തിനും വേണ്ടിയും പോരാടിക്കാൻ കെൽപ്പുള്ള ഒരു കരുത്തുറ്റ സ്‌ക്വാഡിനെയാണ് ഞാൻ ഇവിടെ കാണുന്നത്.ഒരു പരിശീലകന്റെ രണ്ടാം വർഷത്തിൽ കാര്യങ്ങൾ പുരോഗതി പ്രാപിക്കുമെന്നുള്ളത് ഉറപ്പായ കാര്യമാണ്.അത്കൊണ്ട് തന്നെ ഞങ്ങൾക്ക്‌ എല്ലാവർക്കും പരസ്പരമറിയാം, അത് വേഗത്തിൽ അഡാപ്റ്റ് ആവാൻ സഹായകരമാവും.പ്രധാനപ്പെട്ട കിരീടങ്ങൾക്ക്‌ വേണ്ടി പോരാടാൻ ഞങ്ങൾ തയ്യാറാണ്.എല്ലാത്തിനും തയ്യാറായാണ് നിലവിൽ ഈ സ്‌ക്വാഡ് നിലകൊള്ളുന്നത്.അത്കൊണ്ട് തന്നെ ഈ സ്‌ക്വാഡിൽ ആരാധകർ ശുഭാപ്തി വിശ്വാസം പുലർത്തുന്നുണ്ടാകാം ” ഇതാണ് ഡി ജോങ് പറഞ്ഞത്.