ആരാണീ എംബാപ്പെ ?
ചോദ്യവുമായി പെരെസ്

പിഎസ്ജിയുടെ ഫ്രഞ്ച് സൂപ്പർ താരമായ കിലിയൻ എംബപ്പേ ക്ലബ്ബ് വിടുകയാണ് എന്നത് ഉറപ്പായി കഴിഞ്ഞ കാര്യമാണ്. വരുന്ന സമ്മർ ട്രാൻസ്ഫർ വിൻഡോയിൽ അദ്ദേഹം ഫ്രീ ഏജന്റ് ആയി കൊണ്ട് ക്ലബ്ബിനോട് വിട പറയും.സ്പാനിഷ് വമ്പൻമാരായ റയൽ മാഡ്രിഡ് ആണ് അദ്ദേഹത്തെ സ്വന്തമാക്കുന്നത്.റയലിന്റെ വലിയൊരു കാത്തിരിപ്പിനാണ് അതോടുകൂടി വിരാമമാവുക.

എന്നാൽ ഇക്കാര്യങ്ങൾ ഒന്നും തന്നെ ഒഫീഷ്യലായി സ്ഥിരീകരിക്കപ്പെട്ടിട്ടില്ല.പിഎസ്ജിയോ എംബപ്പേയോ റയൽ മാഡ്രിഡോ ആരും തന്നെ ഇക്കാര്യത്തിൽ ഒഫീഷ്യൽ പ്രഖ്യാപനം നടത്തിയിട്ടില്ല.മറിച്ച് മാധ്യമങ്ങളും മാധ്യമപ്രവർത്തകരുമാണ് സ്ഥിരീകരിച്ചിട്ടുള്ളത്. എന്നിരുന്നാലും എംബപ്പേ വരുന്നതിൽ റയൽ മാഡ്രിഡ് ആരാധകർ വളരെയധികം സന്തോഷത്തിലാണ്. കഴിഞ്ഞദിവസം റയലിന്റെ പ്രസിഡന്റായ ഫ്ലോറെന്റിനോ പെരസിനോട് ഇക്കാര്യം പറയുകയും ചെയ്തിട്ടുണ്ട്.

അതായത് ചില ആരാധകർ അദ്ദേഹത്തോടൊപ്പം ഫോട്ടോ എടുക്കാൻ വേണ്ടി സമീപിക്കുകയായിരുന്നു. നിങ്ങൾ അൽഫോൻസോ ഡേവിസിനെ കൊണ്ടുവരണമെന്ന് ഒരു ആരാധകൻ ആവശ്യപ്പെട്ടു.ആരാണീ ഡേവിസ് എന്നാണ് മറു ചോദ്യമായി കൊണ്ട് പെരസ് ചോദിച്ചിട്ടുള്ളത്.എംബപ്പേയും ഡേവിസും ഉണ്ടെങ്കിൽ നമുക്ക് എല്ലാം സ്വന്തമാക്കാം എന്ന് ആരാധകൻ അദ്ദേഹത്തോട് പറയുകയും ചെയ്തു.

എംബപ്പേ വരുന്നില്ലേ എന്ന് ആരാധകൻ പെരസിനോട് ചോദിക്കുകയായിരുന്നു.എംബപ്പേയോ? ആരാണീ എംബപ്പേ എന്ന മറു ചോദ്യമാണ് പെരസ് ആരാധകരോട് ചോദിച്ചിട്ടുള്ളത്.ഇതിന്റെ വീഡിയോ സാമൂഹിക മാധ്യമങ്ങളിൽ വൈറലാണ്. പുറത്തുവന്ന വാർത്തകളോട് ഒന്നും തന്നെ പ്രതികരിക്കാൻ തനിക്ക് താല്പര്യമില്ല എന്ന് പെരസ് വ്യക്തമാക്കുകയാണ് ഇതിലൂടെ ചെയ്തിട്ടുള്ളത്. അതേസമയം പെരസ് ഇന്ന് തന്റെ 77 മത്തെ ജന്മദിനം ആഘോഷിക്കുകയും ചെയ്തു.33 കിരീടങ്ങളാണ് ഇദ്ദേഹത്തിന്റെ കീഴിൽ റയൽ മാഡ്രിഡ് സ്വന്തമാക്കിയിട്ടുള്ളത്.