IFFHS അവാർഡ്സ്,2022ലെ മികച്ച താരം ആര്?

2022 എന്ന കലണ്ടർ വർഷം നമ്മിൽ നിന്നും അകന്നു പോവുകയാണ്. ആരാണ് ഈ വർഷം ഫുട്ബോൾ ലോകത്ത് ഏറ്റവും മികച്ച പ്രകടനം കാഴ്ചവെച്ചിട്ടുള്ളത്? ഓരോ വർഷത്തെയും മികച്ച താരത്തിന് IFFHS പുരസ്കാരങ്ങൾ സമ്മാനിക്കാറുണ്ട്. കഴിഞ്ഞ വർഷം സൂപ്പർ താരം റോബർട്ട് ലെവന്റോസ്‌ക്കിയായിരുന്നു IFFHS ന്റെ ഏറ്റവും മികച്ച താരത്തിനുള്ള പുരസ്കാരം സ്വന്തമാക്കിയത്.

2022 ലെ ഏറ്റവും മികച്ച താരത്തെ തിരഞ്ഞെടുക്കാൻ വേണ്ടിയുള്ള 20 അംഗ പട്ടിക ഇവർ പുറത്തുവിട്ടിട്ടുണ്ട്. സൂപ്പർ താരങ്ങളായ ക്രിസ്റ്റ്യാനോ റൊണാൾഡോ,നെയ്മർ ജൂനിയർ എന്നിവർക്ക് ഈ 20 അംഗ പട്ടികയിൽ ഇടം നേടാൻ കഴിഞ്ഞിട്ടില്ല. അതേസമയം ബാക്കിയുള്ള പ്രധാനപ്പെട്ട താരങ്ങൾ എല്ലാവരും തന്നെ ഇടം കണ്ടെത്തിയിട്ടുണ്ട്.

നാല് താരങ്ങളുടെ ചുരുക്കപ്പട്ടികയും ഇവർ പ്രസിദ്ധീകരിച്ചിട്ടുണ്ട്.റയൽ മാഡ്രിഡ് താരങ്ങളായ കരീം ബെൻസിമ,ലുക്ക മോഡ്രിച്ച്,പിഎസ്ജി താരങ്ങളായ ലയണൽ മെസ്സി,കിലിയൻ എംബപ്പേ എന്നിവരാണ് ഈ നാലു താരങ്ങൾ. വേൾഡ് കപ്പ് കിരീടം നേടിയതിനാൽ മെസ്സിക്ക് തന്നെയാണ് ഈ പുരസ്കാര സാധ്യത കൂടുതൽ കൽപ്പിക്കപ്പെടുന്നത്.

ഏതായാലും 20 താരങ്ങളുടെ ലിസ്റ്റ് താഴെ നൽകുന്നു.