നേഷൻസ് ലീഗിനുള്ള ഇംഗ്ലണ്ട് സ്‌ക്വാഡ് പ്രഖ്യാപിച്ചു, സൂപ്പർ താരങ്ങൾ അകത്ത് !

ഈ വരുന്ന നേഷൻസ് ലീഗിനും സൗഹൃദമത്സരത്തിനുമുള്ള ഇംഗ്ലണ്ട് സ്‌ക്വാഡ് പരിശീലകൻ ഗാരെത് സൗത്ത്ഗേറ്റ് പുറത്തു വിട്ടു.മുപ്പത് അംഗ സ്‌ക്വാഡ് ആണ് ഇംഗ്ലണ്ട് പുറത്തു വിട്ടത്. സൂപ്പർ താരങ്ങളായ ഹാരി കെയ്ൻ, റാഷ്ഫോർഡ്, സാഞ്ചോ, സ്റ്റെർലിംഗ് എന്നിവരെല്ലാം തന്നെ സ്‌ക്വാഡിൽ ഇടം നേടിയിട്ടുണ്ട്. കൂടാതെ എവെർട്ടണ് വേണ്ടി മിന്നുംപ്രകടനം നടത്തിയ കാൽവെർട്ട് ലെവിനും സ്‌ക്വാഡിൽ ഇടം നേടിയിട്ടുണ്ട്.ഒക്ടോബർ ഒമ്പത് വെള്ളിയാഴ്ച വെയിൽസിനെതിരെയാണ് ഇംഗ്ലണ്ട് സൗഹൃദമത്സരം കളിക്കുന്നത്. തുടർന്ന് യുവേഫ നേഷൻസ് ലീഗിൽ രണ്ട് മത്സരങ്ങൾ ആണ് ഇംഗ്ലണ്ട് കളിക്കുന്നത് ഒക്ടോബർ പതിനൊന്ന് ഞായറാഴ്ച ബെൽജിയത്തിനെതിരെയും ഒക്ടോബർ പതിനഞ്ച് ഡെന്മാർക്കിനെതിരെയുമാണ് മത്സരങ്ങൾ നടക്കുന്നത്. നിലവിൽ ഗ്രൂപ്പ്‌ രണ്ടിൽ നാല് പോയിന്റോടെ രണ്ടാം സ്ഥാനത്താണ് ഇംഗ്ലണ്ട്. ആറു പോയിന്റ് ഉള്ള ബെൽജിയം ആണ് ഒന്നാം സ്ഥാനത്ത് ഉള്ളത്.

ഇംഗ്ലണ്ട് സ്‌ക്വാഡ് ഇങ്ങനെയാണ്.

ഗോൾകീപ്പർമാർ : ഡീൻ ഹെന്റെഴ്സൺ, ജോർദാൻ പിക്ക്ഫോർഡ്, നിക്ക് പോപ്പെ.

ഡിഫൻഡർമാർ : ട്രെന്റ് അലക്സാണ്ടർ, അർണോൾഡ്, ബെൻ ചിൽവെൽ, കോനോർ കോഡി, എറിക് ഡയർ, ജോ ഗോമസ്, മൈക്കിൾ കീൻ, ഹാരി മഗ്വയ്ർ, മൈയിറ്റ്ലാന്റ് നീൽസ്, ടൈറോൻ മിങ്ക്സ്, ബുകയോ സാക, കീരൻ ട്രിപ്പിയർ, കെയിൽ വാക്കർ

മിഡ്‌ഫീൽഡർമാർ : ജോർദാൻ ഹെന്റെഴ്സൺ, മാസോൺ മൗണ്ട്, കാൽവിൻ ഫിലിപ്സ്, ഡിക്ലൻ റൈസ്, ജെയിംസ് വാർഡ് പ്രൌസ്, ഹാരി വിങ്ക്സ്.

സ്ട്രൈക്കെഴ്സ് : ടമ്മി എബ്രഹാം, ഹാർവി ബാർനെസ്, ഡോമിനിക്ക് കാൽവെർട്ട് ലെവിൻ, ജാക്ക് ഗ്രീലിഷ്, ഡാനി ഇങ്സ്, ഹാരി കെയ്ൻ, മാർക്കസ് റാഷ്ഫോർഡ്, ജേഡൻ സാഞ്ചോ, റഹീം സ്റ്റർലിങ്.