African Ballon d’or,ഫൈനൽ നോമിനേഷൻ ലിസ്റ്റ് പ്രസിദ്ധീകരിച്ചു
എല്ലാ വർഷത്തെയും ഏറ്റവും മികച്ച ആഫ്രിക്കൻ താരങ്ങൾക്ക് കോൺഫെഡറേഷൻ ആഫ്രിക്കൻ ഫുട്ബോൾ പ്രത്യേക പുരസ്കാരങ്ങൾ സമ്മാനിക്കാറുണ്ട്.ആഫ്രിക്കൻ ബാലൺഡി’ഓർ എന്നും ഇത് അറിയപ്പെടാറുണ്ട്.ആകെ 7 കാറ്റഗറികളിൽ ആയിട്ടാണ് പുരസ്കാരങ്ങൾ അവർ നൽകുന്നത്. ഏറ്റവും മികച്ച പുരുഷ താരത്തിനുള്ള ഫൈനൽ നോമിനേഷൻ ലിസ്റ്റ് അവരിപ്പോൾ പ്രസിദ്ധീകരിച്ചു കഴിഞ്ഞു. 5 താരങ്ങളാണ് ഇടം കണ്ടെത്തിയിട്ടുള്ളത്.
മൊറൊക്കൻ സൂപ്പർ താരമായ അഷ്‌റഫ് ഹക്കീമി ഈ ലിസ്റ്റിൽ സ്ഥാനം കണ്ടെത്തിയിട്ടുണ്ട്.പിഎസ്ജിക്ക് വേണ്ടിയും മൊറോക്കോക്ക് വേണ്ടിയും മികച്ച പ്രകടനം നടത്തിയതിന്റെ ഫലമായി കൊണ്ടാണ് ഹക്കീമി ഇതിൽ ഇടം നേടിയിട്ടുള്ളത്. അതുപോലെതന്നെ ബ്രൈറ്റണ് വേണ്ടി കളിക്കുന്ന സിമോൺ അഡിഗ്ര ഈ ലിസ്റ്റിൽ സ്ഥാനം കണ്ടെത്തിയിട്ടുണ്ട്.ഗിനിയൻ സൂപ്പർ താരമായ ഗിറാസിയാണ് ഈ ലിസ്റ്റിൽ ഇടം നേടിയ മറ്റൊരു താരം. കഴിഞ്ഞ സീസണിൽ സ്റ്റുട്ട്ഗർട്ടിന് വേണ്ടി മികച്ച പ്രകടനം അദ്ദേഹം നടത്തിയിരുന്നു. ഇപ്പോൾ ബൊറൂസിയക്ക് വേണ്ടിയാണ് അദ്ദേഹം കളിച്ചു കൊണ്ടിരിക്കുന്നത്.
അതുപോലെതന്നെ നൈജീരിയൻ സൂപ്പർ താരമായ ലുക്മാൻ ഇടം നേടിയിട്ടുണ്ട്. ഗംഭീര പ്രകടനമാണ് സമീപകാലത്ത് ഇറ്റാലിയൻ ക്ലബ് ആയ അറ്റലാന്റക്ക് വേണ്ടി അദ്ദേഹം നടത്തുന്നത്. അതുപോലെതന്നെ സൗത്ത് ആഫ്രിക്കൻ താരമായ റോൺവെൻ വില്യംസും ഈ പട്ടികയിൽ ഇടം നേടിയിട്ടുണ്ട്. ഇങ്ങനെയാണ് 5 താരങ്ങൾ വരുന്നത്.
അതേസമയം ഈജിപ്ഷ്യൻ സൂപ്പർ താരമായ മുഹമ്മദ് സലാ ഈ ലിസ്റ്റിൽ ഇടം കണ്ടെത്തിയിട്ടില്ല.ഹക്കീമി,ലുക്ക്മാൻ എന്നിവർക്കാണ് ഏറ്റവും കൂടുതൽ കിരീട സാധ്യത കൽപ്പിക്കുന്നത്. കഴിഞ്ഞ തവണ നൈജീരിയൻ സൂപ്പർ താരമായ വിക്ടർ ഒസിമെനായിരുന്നു പുരസ്കാരം നേടിയിരുന്നത്.സാഡിയൊ മാനെ, മുഹമ്മദ് സല എന്നിവരൊക്കെ ഈ പുരസ്കാരം സ്വന്തമാക്കിയിട്ടുണ്ട്.
