ഹൂലിയൻ ആൽവരസ് പൊളിയാണ് : വാൻ ഡൈക്ക്

ഖത്തർ വേൾഡ് കപ്പിൽ നടക്കുന്ന ക്വാർട്ടർ ഫൈനൽ മത്സരത്തിൽ അർജന്റീനയുടെ എതിരാളികൾ ഹോളണ്ടാണ്.നാളെ രാത്രി ഇന്ത്യൻ സമയം 12:30 നാണ് ഈയൊരു മത്സരം നടക്കുക. കരുത്തരായ ടീമുകൾ ഏറ്റുമുട്ടുന്നതിനാൽ മികച്ച ഒരു പോരാട്ടം ആരാധകർ പ്രതീക്ഷിക്കുന്നുണ്ട്.

ഈ വേൾഡ് കപ്പിൽ തകർപ്പൻ പ്രകടനമാണ് ഇപ്പോൾ അർജന്റീനക്ക് വേണ്ടി യുവ സൂപ്പർ താരമായ ഹൂലിയൻ ആൽവരസ് പുറത്തെടുക്കുന്നത്.ലൗറ്ററോയുടെ സ്ഥാനം പിടിച്ചെടുത്ത ആൽവരസ് അർജന്റീനക്ക് വേണ്ടി ഗോളുകൾ നേടുകയും ചെയ്തിരുന്നു. ഇപ്പോഴിതാ താരത്തെ പ്രശംസിച്ചുകൊണ്ട് ഹോളണ്ട് സൂപ്പർ താരമായ വാൻ ഡൈക്ക് രംഗത്ത് വന്നിട്ടുണ്ട്.അദ്ദേഹം ആൽവരസിനെ കുറിച്ച് പറഞ്ഞ വാക്കുകൾ ഇങ്ങനെയാണ്.

” ഹൂലിയൻ ആൽവരസ് ഒരു മികച്ച താരമാണ്.വളരെയധികം വേഗതയുള്ള താരമാണ്. ഒരു മികച്ച ഭാവി ഞാൻ അദ്ദേഹത്തിന് കാണുന്നുണ്ട്.മാഞ്ചസ്റ്റർ സിറ്റിക്ക് വേണ്ടി മികച്ച രൂപത്തിലാണ് അദ്ദേഹം കിട്ടുന്ന അവസരങ്ങളിൽ ഒക്കെ കളിക്കുന്നത്. തീർച്ചയായും അർജന്റീനക്കും മാഞ്ചസ്റ്റർ സിറ്റിക്കും വളരെ പ്രധാനപ്പെട്ട താരമാണ് ഹൂലിയൻ ആൽവരസ്. ഭാവിയിലും അത് തുടരാൻ അദ്ദേഹത്തിന് കഴിയുമെന്ന് ഞാൻ പ്രതീക്ഷിക്കുന്നു ” ഇതാണ് വാൻ ഡൈക്ക് പറഞ്ഞിട്ടുള്ളത്.

ഏതായാലും ഹൂലിയൻ ആൽവരസിനെയും മെസ്സിയെയും തടയുക എന്നുള്ള ജോലിയാണ് വാൻ ഡൈക്കിനെ കാത്തിരിക്കുന്നത്. അന്തിമ വിജയം ആർക്കായിരിക്കും എന്നുള്ളതാണ് ആരാധകർ ഉറ്റു നോക്കുന്നത്.