വേൾഡ് കപ്പ് താരങ്ങളുടെ പവർ റാങ്കിങ്,പോരാട്ടം മെസ്സിയും എംബപ്പേയും തമ്മിൽ!

ഖത്തർ വേൾഡ് കപ്പ് ഇപ്പോൾ ക്വാർട്ടർ ഫൈനലിലേക്ക് പ്രവേശിച്ചുകൊണ്ടിരിക്കുകയാണ്. അർജന്റീനയും നെതർലാൻഡ്സും തമ്മിലാണ് ഒരു ക്വാർട്ടർ ഫൈനലിൽ ഏറ്റുമുട്ടുക.അതേസമയം മറ്റൊരു മത്സരത്തിൽ ഇംഗ്ലണ്ടും ഫ്രാൻസും തമ്മിൽ ഏറ്റുമുട്ടും.

ഏതായാലും പ്രമുഖ ഫുട്ബോൾ മാധ്യമമായ ഗോൾ ഡോട്ട് കോം ഈ വേൾഡ് കപ്പിലെ മികച്ച താരങ്ങളുടെ ഒരു പവർ റാങ്കിംഗ് പ്രസിദ്ധീകരിച്ചിട്ടുണ്ട്. 10 പേരുടെ പട്ടികയാണ് ഇവർ പുറത്തുവിട്ടിട്ടുള്ളത്. സൂപ്പർ താരങ്ങളായ ലയണൽ മെസ്സിയും കിലിയൻ എംബപ്പേയുമാണ് ഇപ്പോൾ മുൻപന്തിയിൽ നിൽക്കുന്നത്. ഒന്നാം സ്ഥാനത്ത് എംബപ്പേയും രണ്ടാം സ്ഥാനത്ത് മെസ്സിയുമാണ് ഉള്ളത്.

5 ഗോളുകളും രണ്ട് അസിസ്റ്റുകളും നേടി കൊണ്ട് ഏഴ് ഗോളുകളിൽ ഇപ്പോൾ തന്നെ പങ്കാളിത്തം വഹിക്കാൻ എംബപ്പേക്ക് കഴിഞ്ഞിട്ടുണ്ട്. അതേസമയം രണ്ടാം സ്ഥാനത്തുള്ള മെസ്സി മൂന്ന് ഗോളുകളും ഒരു അസിസ്റ്റുമാണ് സ്വന്തമാക്കിയിട്ടുള്ളത്. നിരവധി യുവ താരങ്ങളും ഈ 10 പേരുടെ പട്ടികയിൽ ഇടം നേടിയിട്ടുണ്ട്.

നമുക്ക് ഗോളിന്റെ പവർ റാങ്കിംഗ് ഒന്ന് പരിശോധിക്കാം.

10-അഷ്‌റഫ് ഹക്കീമി
9-തിയോ ഹെർണാണ്ടസ്
8-ഹാക്കിം സിയെച്ച്
7-ജൂഡ് ബെല്ലിങ്ഹാം
6-കാസമിറോ
5-അന്റോയിൻ ഗ്രീസ്മാൻ
4-കോഡി ഗാക്പോ
3-ബ്രൂണോ ഫെർണാണ്ടസ്
2-ലിയോ മെസ്സി
1- കിലിയൻ എംബപ്പേ