വേൾഡ് കപ്പിൽ ആര് കിരീടം ചൂടും? ബ്രസീലിനൊപ്പം മറ്റു ഫേവറേറ്റുകളെ കൂടി തുറന്ന് പറഞ്ഞ് സിൽവ!

വരുന്ന ഖത്തർ വേൾഡ് കപ്പിന് ഇനി കേവലം അഞ്ചു മാസങ്ങൾ മാത്രമാണ് അവശേഷിക്കുന്നത്. ഫുട്ബോൾ ലോകം ഒന്നടങ്കം ആ വേൾഡ് കപ്പിനെ വരവേൽക്കാനുള്ള ഒരുക്കത്തിലാണ്. ഇപ്പോൾതന്നെ വേൾഡ് കപ്പിലെ സാധ്യതകൾ ആരാധകർ വിലയിരുത്തി തുടങ്ങിയിട്ടുണ്ട്.അർജന്റീന,ബ്രസീൽ,ഫ്രാൻസ് എന്നിവർക്കൊക്കെയാണ് പലരും സാധ്യതകൾ കാണുന്നത്.

ചെൽസിയുടെ ബ്രസീലിയൻ സൂപ്പർ താരമായ തിയാഗോ സിൽവയും കിരീട ഫേവറേറ്റുകളെ കുറച്ച് സംസാരിച്ചിട്ടുണ്ട്. ബ്രസീലിനെ കൂടാതെ പല വമ്പന്മാർക്കും അദ്ദേഹം കിരീട സാധ്യത കൽപ്പിക്കപ്പെടുന്നുണ്ട്. മാത്രമല്ല നന്നായി തയാറെടുത്തു കൊണ്ടായിരിക്കും ബ്രസീൽ വേൾഡ് കപ്പിന് എത്തുകയെന്നും സിൽവ കൂട്ടിച്ചേർത്തിട്ടുണ്ട്. അദ്ദേഹത്തിന്റെ വാക്കുകളെ ഗ്ലോബോ റിപ്പോർട്ട്‌ ചെയ്യുന്നത് ഇങ്ങനെയാണ്.

” ഇത്തവണ സ്പെയിനിനും ഫ്രാൻസിനും ഞാൻ സാധ്യത കാണുന്നുണ്ട്.നിലവിലെ ചാമ്പ്യന്മാരാണ് ഫ്രാൻസ്.മാത്രമല്ല ബെൽജിയവുമുണ്ട്. നല്ല രൂപത്തിൽ വളർന്നുകൊണ്ടിരിക്കുന്ന ടീമാണ് അവർ. അതുപോലെതന്നെ ജർമ്മനിയെയും അർജന്റീനയെയും നമുക്ക് ഒരിക്കലും തള്ളിക്കളയാനാവില്ല. ഈ ടീമുകളൊക്കെ കിരീടത്തിന് വേണ്ടി എപ്പോഴും പോരാടുന്നവരാണ്. കൂടാതെ ബ്രസീലിനെയും ഞാൻ ഈ കൂട്ടത്തിൽ ഉൾപ്പെടുത്തും. ഞങ്ങൾ എപ്പോഴും ഈ കൂട്ടത്തിലുണ്ട്. മാത്രമല്ല നല്ല മുന്നൊരുക്കത്തിലുമാണ്. നല്ല തയ്യാറെടുപ്പോട് കൂടിയായിരിക്കും ഞങ്ങൾ വേൾഡ് കപ്പിന് എത്തുക ” ഇതാണ് തിയാഗോ സിൽവ പറഞ്ഞിട്ടുള്ളത്.

ഗ്രൂപ്പ് ജിയിലാണ് ബ്രസീൽ ഉൾപ്പെട്ടിട്ടുള്ളത്.സെർബിയ,സ്വിറ്റ്സർലാന്റ്,കാമറൂൺ എന്നിവരാണ് ഗ്രൂപ്പ് ഘട്ടത്തിൽ ബ്രസീലിന്റെ എതിരാളികൾ.