വേൾഡ് കപ്പിനായുള്ള ആദ്യ ടീം ഖത്തറിൽ ഇന്ന് എത്തും!

വരുന്ന ഖത്തർ വേൾഡ് കപ്പിന് വിസിൽ മുഴങ്ങാൻ ഇനി കേവലം ദിവസങ്ങൾ മാത്രമാണ് അവശേഷിക്കുന്നത്. എല്ലാ ദേശീയ ടീമുകളും വേൾഡ് കപ്പിന് വേണ്ടിയുള്ള ഒരുക്കങ്ങളിലാണ്. ഓരോ ടീമുകൾ ഇപ്പോൾ തങ്ങളുടെ സ്‌ക്വാഡ് പ്രഖ്യാപിച്ച് തുടങ്ങിയിട്ടുണ്ട്.

ഖത്തർ വേൾഡ് കപ്പിനുള്ള ആദ്യ സ്‌ക്വാഡ് പ്രഖ്യാപിച്ചത് ഏഷ്യൻ ടീമായ ജപ്പാനാണ്.മിനാമിനോ,കുബോ തുടങ്ങിയ പ്രധാനപ്പെട്ട താരങ്ങളെല്ലാം ഈ സ്‌ക്വാഡിൽ ഉൾപ്പെട്ടിട്ടുണ്ട് എന്നുള്ളതാണ്. മാത്രമല്ല വേൾഡ് കപ്പിന് വേണ്ടി ഖത്തറിൽ ആദ്യമായി കാലുകുത്തുന്ന ടീമും ജപ്പാൻ തന്നെയാണ്. ഇന്ന് രാത്രിയാണ് ജപ്പാന്റെ ദേശീയ ടീം ഖത്തറിൽ എത്തുക.

എന്നാൽ മുഴുവൻ താരങ്ങളും ഇന്ന് ഖത്തറിൽ എത്തില്ല. ഒരു സംഘം മാത്രമാണ് എത്തുക. ബാക്കിയുള്ള താരങ്ങൾ വരുന്ന പത്താം തീയതി ഖത്തറിൽ എത്തുമെന്നാണ് അറിയാൻ സാധിക്കുന്നത്. ഏഷ്യൻ വമ്പൻമാരായ ജപ്പാനെ സംബന്ധിച്ചിടത്തോളം ഗ്രൂപ്പ് ഘട്ടം ഒട്ടും എളുപ്പമാവില്ല എന്നുള്ളതാണ്.ഗ്രൂപ്പ് ഇയിലാണ് ജപ്പാൻ ഉൾപ്പെട്ടിരിക്കുന്നത്.

യൂറോപ്പ്യൻ വമ്പൻമാരായ ജർമ്മനി,സ്പെയിൻ എന്നിവരെയാണ് ഗ്രൂപ്പ് ഘട്ടത്തിൽ തന്നെ ജപ്പാന് നേരിടേണ്ടി വരിക.മറ്റൊരു ടീം കോസ്റ്റാറിക്കയാണ്. ഏതായാലും ഗ്രൂപ്പ് ഘട്ടം കടക്കണം എന്നുണ്ടെങ്കിൽ ജപ്പാനെ സംബന്ധിച്ചിടത്തോളം അത്ഭുതങ്ങൾ പ്രവർത്തിക്കേണ്ടിവരും.

ഈയിടെ സൗഹൃദ മത്സരത്തിൽ ജപ്പാൻ ബ്രസീലിനെതിരെ കളിച്ചിരുന്നു.നെയ്മറുടെ പെനാൽറ്റി ഗോളിലായിരുന്നു അന്ന് ജപ്പാൻ പരാജയപ്പെട്ടിരുന്നത്. അതേസമയം വേൾഡ് കപ്പിന് മുന്നേ കാനഡയ്ക്കെതിരെ ഒരു സൗഹൃദ മത്സരം ജപ്പാൻ കളിക്കുന്നുണ്ട്.