വിനീഷ്യസിന് സ്പെഷ്യൽ ഗിഫ്റ്റ് നൽകി ക്രിസ്റ്റ്യാനോ റൊണാൾഡോ!

സൂപ്പർ താരം ക്രിസ്റ്റ്യാനോ റൊണാൾഡോയെ വളരെയധികം ഇഷ്ടപ്പെടുന്ന ഒരു വ്യക്തിയാണ് ബ്രസീലിയൻ താരമായ വിനീഷ്യസ് ജൂനിയർ. അതിന്റെ തെളിവ് കഴിഞ്ഞ ദിവസം കൂടി നമുക്ക് കാണാൻ സാധിച്ചിരുന്നു. ഇരട്ട ഗോളുകൾ നേടിയതിന് പിന്നാലെ റൊണാൾഡോ തന്റെ ഇൻസ്റ്റാഗ്രാമിൽ ഒരു പോസ്റ്റ് പങ്കുവച്ചിരുന്നു. അതിന്റെ കമന്റ് ബോക്സിലായിരുന്നു വിനീഷ്യസ് പ്രത്യക്ഷപ്പെട്ടിരുന്നത്.കിംഗ് എന്നായിരുന്നു വിനീഷ്യസ് റൊണാൾഡോയെ വിശേഷിപ്പിച്ചിരുന്നത്.

തന്റെ ഐഡോൾ ക്രിസ്റ്റ്യാനോയാണെന്ന് ഒരുപാട് തവണ പറഞ്ഞ വ്യക്തി കൂടിയാണ് വിനീഷ്യസ് ജൂനിയർ. ഇരുവരും ഒരുമിച്ച് കളിച്ചിട്ടില്ലെങ്കിലും രണ്ടുപേരും തമ്മിലുള്ള സൗഹൃദബന്ധം വളരെ വലുതാണ്. ഇപ്പോഴിതാ അതിനുള്ള ഒരു ഉദാഹരണം കൂടി നമുക്ക് കാണാൻ സാധിച്ചിട്ടുണ്ട്.ക്രിസ്റ്റ്യാനോ റൊണാൾഡോ വിനീഷ്യസ് ജൂനിയർക്ക് ഒരു സ്പെഷ്യൽ ഗിഫ്റ്റ് അയച്ച് കൊടുത്തിട്ടുണ്ട്.

കഴിഞ്ഞ യൂറോ യോഗ്യത മത്സരത്തിൽ ലിറ്റൻസ്റ്റെയിനെ പോർച്ചുഗൽ എതിരില്ലാത്ത രണ്ടു ഗോളുകൾക്ക് തോൽപ്പിച്ചിരുന്നു. ആ മത്സരത്തിൽ ഒരു ഗോൾ റൊണാൾഡോയുടെ വകയായിരുന്നു. ആ മത്സരത്തിൽ താൻ അണിഞ്ഞ ജേഴ്സിയാണ് റൊണാൾഡോ വിനീഷ്യസ് ജൂനിയർക്ക് അയച്ചു നൽകിയിട്ടുള്ളത്.ഗോൾ ഡോട്ട് കോം അടക്കമുള്ളവർ ഇക്കാര്യം റിപ്പോർട്ട് ചെയ്തിട്ടുണ്ട്. വിനേഷ്യസ് ജൂനിയർ തന്നെയാണ് ഇത് പങ്കുവെച്ചിട്ടുള്ളത്.കഴിഞ്ഞ വലൻസിയക്കെതിരെയുള്ള മത്സരത്തിൽ റയൽ മാഡ്രിഡ് ഒന്നിനെതിരെ അഞ്ചു ഗോളുകൾക്കായിരുന്നു വിജയിച്ചിരുന്നത്. ആ മത്സരത്തിൽ റൊണാൾഡോയുടെ കാമ കാമ സെലിബ്രേഷൻ വിനീഷ്യസ് ജൂനിയർ നടത്തുകയും ചെയ്തിരുന്നു.

നിലവിൽ ഈ ബ്രസീലിയൻ സൂപ്പർതാരം പരിക്കിന്റെ പിടിയിലാണ്.കുറച്ചുകാലം അദ്ദേഹം പുറത്തിരിക്കേണ്ടി വരും എന്നാണ് റിപ്പോർട്ടുകൾ.കാഡിസിനെതിരെയുള്ള മത്സരത്തിൽ ക്ലബ്ബിന് അദ്ദേഹത്തെ ലഭ്യമാവില്ല.അതേസമയം തകർപ്പൻ പ്രകടനമാണ് റൊണാൾഡോ നടത്തിക്കൊണ്ടിരിക്കുന്നത്.13 ലീഗ് മത്സരങ്ങളിൽ നിന്ന് 15 ഗോളുകളും ഏഴ് അസിസ്റ്റുകളും റൊണാൾഡോ സ്വന്തമാക്കി കഴിഞ്ഞു.