വലിയ മത്സരങ്ങളിൽ തിളങ്ങുന്ന താരമാണ് ബെൻസിമ :ഫ്രഞ്ച് പരിശീലകൻ!

യുവേഫ ചാമ്പ്യൻസ് ലീഗിൽ നടന്ന രണ്ടാം പാദ പ്രീ ക്വാർട്ടർ പോരാട്ടത്തിൽ പിഎസ്ജിയെ പരാജയപ്പെടുത്താൻ റയലിന് സാധിച്ചിരുന്നു. രണ്ട് ഗോളുകൾക്ക് പിറകിൽ നിന്ന ശേഷം അത്ഭുതപ്പെടുത്തുന്ന തിരിച്ചുവരവായിരുന്നു റയൽ നടത്തിയത്.സൂപ്പർ താരം കരിം ബെൻസിമയുടെ അതിവേഗത്തിലുള്ള ഹാട്രിക്കാണ് റയലിനെ മുന്നോട്ട് നയിച്ചത്. ഈ സീസണിലുടനീളം തകർപ്പൻ ഫോമിലാണ് ബെൻസിമ കളിച്ചു കൊണ്ടിരിക്കുന്നത്.

ഏതായാലും താരത്തെ പ്രശംസിച്ചുകൊണ്ട് ഫ്രാൻസിന്റെ പരിശീലകനായ ദിദിയർ ദെഷാംപ്സ് ചില കാര്യങ്ങൾ പങ്കു വെച്ചിട്ടുണ്ട്. അതായത് വലിയ മത്സരങ്ങൾ നിർണായക പ്രകടനങ്ങൾ നടത്താൻ കഴിവുള്ള താരമാണ് ബെൻസിമ എന്നാണ് ഇദ്ദേഹം പറഞ്ഞത്.കൂടാതെ എംബപ്പെയെ പറ്റിയും ചില കാര്യങ്ങൾ പരിശീലകൻ പങ്കുവെച്ചിട്ടുണ്ട്. അദ്ദേഹത്തിന്റെ വാക്കുകൾ ഇങ്ങനെയാണ്.

” മത്സരത്തിനു മുന്നേ ബെൻസിമ ചെയ്യുന്ന കാര്യങ്ങൾ പോലും എല്ലാം മാറ്റിമറിക്കും. അദ്ദേഹമിപ്പോൾ മികവിന്റെ ഏറ്റവും ഉയർന്ന തലത്തിലാണുള്ളത്. തീർച്ചയായും ബെൻസിമ അത് അർഹിക്കുന്നുണ്ട്. അദ്ദേഹം ചെയ്ത കാര്യങ്ങൾ കൊണ്ടും തയ്യാറെടുപ്പുകൾ കൊണ്ടുമാണ് അദ്ദേഹം ഈ നിലയിൽ എത്തിയത്. ഈ പ്രായത്തിലും ലോകത്തിലെ ഏറ്റവും മികച്ച താരമാണ് ബെൻസിമ. വലിയ മത്സരങ്ങളിൽ നിർണായക പ്രകടനങ്ങൾ കാഴ്ച്ച വെക്കാൻ അദ്ദേഹത്തിന് സാധിക്കും.എംബപ്പെയും ആ മത്സരത്തിൽ ഗോൾ നേടിയിരുന്നു.അതൊരു നല്ല കാര്യമാണ്.എംബപ്പെയെ ചെറിയ രൂപത്തിൽ പരിക്ക് അലട്ടുന്നുണ്ട്. പക്ഷേ എല്ലാം നല്ല രീതിയിൽ മുന്നോട്ടു പോകുമെന്നാണ് ഞാൻ പ്രതീക്ഷിക്കുന്നത് ” ഇതാണ് ദെഷാംപ്സ് പറഞ്ഞിട്ടുള്ളത്.

ഈ മാസം നടക്കുന്ന സൗഹൃദ മത്സരങ്ങൾക്കുള്ള ഫ്രഞ്ച് ടീമിനെ പരിശീലനം പ്രഖ്യാപിച്ചിരുന്നു.കിലിയൻ എംബപ്പെയും കരിം ബെൻസിമയും ഈ ടീമിൽ ഇടം നേടിയിട്ടുണ്ട്.