മെസ്സിയുടെ പരിക്ക്, സ്റ്റാർട്ടിങ് ഇലവൻ ; സ്കലോണി പറയുന്നു!

ഇന്ന് നടക്കുന്ന മത്സരത്തിൽ നിലവിലെ കോപ്പ അമേരിക്ക ചാമ്പ്യൻമാരായ അർജന്റീനയുടെ എതിരാളികൾ ചിരവൈരികളായ ബ്രസീലാണ്. ഇന്ന് രാത്രി ഇന്ത്യൻ സമയം 12:30-ന് ബ്രസീലിന്റെ മൈതാനത്ത് വെച്ചാണ് ഈ മത്സരം നടക്കുക. വെനിസ്വേലയെ ഒന്നിനെതിരെ മൂന്ന് ഗോളുകൾക്ക്‌ തകർത്തു വിട്ടതിന്റെ ആത്മവിശ്വാസത്തിലായിരിക്കും അർജന്റീന കളത്തിലിറങ്ങുക.

ഏതായാലും ഈ മത്സരത്തിന് മുന്നോടിയായുള്ള പത്രസമ്മേളനത്തിൽ ഒട്ടേറെ കാര്യങ്ങളെ കുറിച്ച് പരിശീലകൻ സ്കലോണി സംസാരിച്ചിരുന്നു. മെസ്സിയുടെ പരിക്ക് പേടിക്കാനില്ലെന്നും അദ്ദേഹം സജ്ജനാണ് എന്നുമാണ് ഇദ്ദേഹം അറിയിച്ചത്. കൂടാതെ സ്റ്റാർട്ടിങ് ഇലവൻ ഇപ്പോൾ തന്നെ വെളിപ്പെടുത്താൻ ഉദ്ദേശിക്കുന്നില്ലെന്നും അദ്ദേഹം കൂട്ടിച്ചേർത്തു.

” മെസ്സിക്ക് കുഴപ്പങ്ങൾ ഒന്നുമില്ല. ആ ഫൗൾ ഭയപ്പെടുത്തുന്നത് ആയിരുന്നു.പക്ഷേ ഭാഗ്യവശാൽ അദ്ദേഹത്തിന് ഒന്നും പറ്റിയില്ല.ഞങ്ങൾക്ക്‌ കുറച്ചു കൂടെ പരിശീലനം ചെയ്യാനുണ്ട്. അതിന് ശേഷം ഞങ്ങൾ മെസ്സി 100% സജ്ജനാണ് ഉറപ്പ് വരുത്തും.വരുന്ന മത്സരത്തിലെ സ്റ്റാർട്ടിങ് ഇലവനെ കുറിച്ച് എനിക്ക് ധാരണയുണ്ട്. എന്നാൽ ഞങ്ങൾക്ക്‌ ഇനിയും പരിശീലനം നടത്താനുണ്ട്.വരുന്ന മത്സരങ്ങളിൽ ചില മാറ്റങ്ങൾ വരുത്താൻ ഞാൻ ആലോചിക്കുന്നുണ്ട് ” ഇതാണ് സ്കലോണി പറഞ്ഞിട്ടുള്ളത്.

അർജന്റീനയുടെ സാധ്യത ഇലവൻ : Emiliano Martinez; Molina or Montiel, Romero, Otamendi, Acuña or Tagliafico; De Paul, Guido or Paredes, Lo Celso; Di Maria, Lautaro, Messi