മാരക്കാന വാക്ക് ഓഫ് ഫെയ്മിൽ ഇനി സിൽവയും,ഇടം നേടിയത് ഇതിഹാസങ്ങൾക്കൊപ്പം!

ദീർഘകാലമായി ബ്രസീലിന്റെ പ്രതിരോധനിരയിൽ നിർണായക സാന്നിധ്യമായി നിലകൊള്ളുന്ന താരമാണ് തിയാഗോ സിൽവ. ബ്രസീലിനൊപ്പം നിരവധി കിരീടങ്ങളും അദ്ദേഹം സ്വന്തമാക്കിയിട്ടുണ്ട്. കോപ്പ അമേരിക്കയും കോൺഫെഡറേഷൻ കപ്പുമൊക്കെ താരത്തിന്റെ പേരിലുണ്ട്. ക്ലബ്ബ് തലത്തിൽ യുവേഫ ചാമ്പ്യൻസ് ലീഗ് കിരീടമുൾപ്പെടെ നിരവധി കിരീടങ്ങളും സിൽവ സ്വന്തമാക്കിയിട്ടുണ്ട്.

ഇപ്പോഴിതാ മറ്റൊരു ആദരം കൂടി സിൽവയെ തേടിയെത്തിയിട്ടുണ്ട്. അതായത് പ്രശസ്തമായ മാരക്കാന വാക്ക് ഓഫ് ഫെയ്മിൽ താരത്തിന്റെ കാൽപാദം കൂടി പതിയും. നിരവധി ഇതിഹാസങ്ങളുടെ കാൽപാദം പതിപ്പിച്ചിട്ടുള്ള ഫെയ്മാണ് മാരക്കാന വാക്ക് ഓഫ് ഫെയിം. അവരുടെ ഇടയിലേക്കാണ് ഇപ്പോൾ സിൽവയും കയറിച്ചെല്ലുന്നത്.

ബ്രസീലിന്റെ ഇതിഹാസങ്ങളായ പെലെ,ഗരിഞ്ച,മാർത്ത,സഗല്ലോ,മെനീസസ്,വാവ,റിവെലീനോ,റൊണാൾഡിഞ്ഞോ, റൊണാൾഡോ,റൊമാരിയോ,സീക്കോ, റോബർട്ടോ ഡൈനാമൈറ്റ് എന്നിവരുടെ കാൽപാദവും ഇവിടെ പതിപ്പിച്ചിട്ടുണ്ട്.

കൂടാതെ ചില വിദേശ ഇതിഹാസങ്ങളുടെ കാൽപാദവും ഇവർ കൂട്ടിച്ചേർത്തിട്ടുണ്ട്.യുസേബിയോ,ബെക്കൻബോർ,പെറ്റ്കോവിച്ച്,ഗിഗ്ഗിയ,മെസ്സി,റൊമേരീറ്റോ എന്നിവർ ഇതിൽ ഉൾപ്പെട്ടവരാണ്.

ബ്രസീലിന്റെ അടുത്ത മത്സരം ചിലിക്കെതിരെയാണ്.മാരക്കാനയിൽ വെച്ചാണ് ഈയൊരു മത്സരം അരങ്ങേറുക.ഇതിന്റെ ഭാഗമായാണ് തിയാഗോ സിൽവ മാരക്കാനയിൽ എത്തുക.