മത്സരശേഷം കണ്ണീരണിഞ്ഞ് നെയ്മർ, താരം പറഞ്ഞതിങ്ങനെ!

ഇന്ന് പുലർച്ചെ നടന്ന കോപ്പ അമേരിക്ക മത്സരത്തിൽ എതിരില്ലാത്ത നാല് ഗോളുകൾക്കാണ് ബ്രസീൽ പെറുവിനെ തകർത്തു വിട്ടത്. മത്സരത്തിൽ സൂപ്പർ താരം നെയ്മർ ജൂനിയർ ഒരു ഗോൾ കണ്ടെത്തിയിരുന്നു. തുടർച്ചയായ നാലാം മത്സരത്തിലാണ് നെയ്മർ ബ്രസീലിന് വേണ്ടി ഗോൾ നേടുന്നത്. മികച്ച ഫോമിലാണ് താരം കളിക്കുന്നത് എന്ന കാര്യത്തിൽ ആർക്കും സംശയമുണ്ടാവില്ല. ഈ മത്സരത്തിന് ശേഷം വളരെ വികാരാധീതനായി സംസാരിച്ചിരിക്കുകയാണ് നെയ്മർ. ഈ കഴിഞ്ഞ രണ്ട് വർഷത്തിനിടെ താൻ ഒരുപാട് ബുദ്ധിമുട്ടുകൾ നേരിട്ടുവെന്നും എന്നാൽ താനിപ്പോൾ ആഗ്രഹിച്ചതിനും മുകളിലാണ് നിൽക്കുന്നത് എന്നുമാണ് നെയ്മർ കണ്ണീരോടെ പറഞ്ഞത്.

“ഒരുപാട് ബുദ്ധിമുട്ടുകളും സങ്കീർണതകളും നിറഞ്ഞ ഒരു ഒരു സാഹചര്യത്തെയായിരുന്നു ഈ കഴിഞ്ഞ രണ്ട് വർഷങ്ങളിൽ എനിക്ക് നേരിടേണ്ടി വന്നത്.ഇന്നും ഒരു ബുദ്ധിമുട്ടേറിയ സമയത്തിലൂടെയാണ് ഈ ലോകം കടന്നു പോവുന്നത്. ഇത്തരമൊരു സമയത്ത് മറ്റൊരാൾക്ക് സന്തോഷം നൽകാൻ സാധിക്കുന്നുണ്ടെങ്കിൽ അത്‌ നമുക്കും സന്തോഷം നൽകുന്ന ഒന്നാണ്.ഇവിടുത്തെ ചരിത്രത്തിന്റെ ഭാഗമാവാൻ ഞാൻ ആഗ്രഹിച്ചിരുന്നു.ബ്രസീലിയൻ ജേഴ്സി അണിയുമ്പോൾ ഈ സംഖ്യകൾ ഒന്നുമല്ലായിരുന്നു.ഇപ്പോൾ ഞാൻ ആഗ്രഹിച്ചതിനും മുകളിലാണ് നിലകൊള്ളുന്നത്. ഈ കോപ്പയെ കുറിച്ച് ഞങ്ങൾക്ക് ഒന്നുമറിയില്ലായിരുന്നു..പക്ഷേ ഞങ്ങളുടെ ദേശീയ ടീമിനെതിരെയോ രാജ്യത്തിനെതിരെയോ ഞങ്ങൾ ഒരിക്കലും സംസാരിച്ചിട്ടില്ല.ഞങ്ങൾ ഞങ്ങളുടെ നിലപാട് വ്യക്തമാക്കുകയാണ് ചെയ്തത് ” നെയ്മർ പറഞ്ഞു.