ബ്രസീലിന്റെ കളി കണ്ട് നെയ്മർ ഉറങ്ങിപ്പോയോ?താരത്തിന്റെ ഇൻസ്റ്റഗ്രാം പോസ്റ്റ് സൂചിപ്പിക്കുന്നത് എന്തിനെ?

ഇന്ന് കോപ്പ അമേരിക്കയിൽ നടന്ന മത്സരത്തിൽ വമ്പൻമാരായ ബ്രസീലിന് സമനില വഴങ്ങേണ്ടി വന്നിരുന്നു. കൊളംബിയയായിരുന്നു ബ്രസീലിനെ സമനിലയിൽ തളച്ചത്. രണ്ട് ടീമുകളും ഓരോ ഗോളുകൾ വീതം നേടുകയായിരുന്നു. ബ്രസീലിന് വേണ്ടി റാഫീഞ്ഞ ഗോൾ കണ്ടെത്തിയപ്പോൾ കൊളംബിയയുടെ ഗോൾ നേടിയത് മുനോസാണ്.ഇനി ക്വാർട്ടർ ഫൈനൽ പോരാട്ടത്തിൽ ഉറുഗ്വയാണ് ബ്രസീലിന്റെ എതിരാളികൾ.

ബ്രസീലിന്റെ കഴിഞ്ഞ രണ്ട് മത്സരങ്ങളും വീക്ഷിക്കാൻ നെയ്മർ ജൂനിയർ ഉണ്ടായിരുന്നു. ടീമിനെ സപ്പോർട്ട് ചെയ്തു കൊണ്ട് അദ്ദേഹം ഗാലറിയിൽ ഉണ്ടായിരുന്നു. എന്നാൽ നെയ്മർ കഴിഞ്ഞ ദിവസം വീട്ടിലേക്ക് മടങ്ങിയിട്ടുണ്ട്. ഇന്നത്തെ ബ്രസീലിന്റെ മത്സരത്തിനിടെ നെയ്മർ പങ്കുവെച്ച ഒരു ഇൻസ്റ്റഗ്രാം പോസ്റ്റ് ഇപ്പോൾ ആരാധകർക്കിടയിൽ ചർച്ചയായിട്ടുണ്ട്. നെയ്മറും അദ്ദേഹത്തിന്റെ രണ്ട് മക്കളും കിടന്നുറങ്ങുന്ന ഒരു ചിത്രമാണ് അദ്ദേഹം പോസ്റ്റ് ചെയ്തിട്ടുള്ളത്.

അതിന്റെ ക്യാപ്ഷൻ ഇങ്ങനെയാണ്. നമുക്ക് ടിവി കാണാം.. മൂന്ന് മിനിട്ടിനു ശേഷം സംഭവിച്ചത് എന്നാണ് അതിന്റെ ക്യാപ്ഷൻ നൽകിയിട്ടുള്ളത്. അതായത് ടിവി കാണാനിരുന്ന 3 മിനുട്ടിനകം താനും മക്കളും ഉറങ്ങിപ്പോയി എന്നാണ് എന്നാണ് നെയ്മർ പറയുന്നത്. ഇത് ബ്രസീലിന്റെ കളിയെ ലക്ഷ്യം വച്ചുകൊണ്ടാണോ എന്ന് പലരും സംശയിക്കുന്നുണ്ട്. അത്തരത്തിലുള്ള വ്യാഖ്യാനങ്ങൾ പലരും സോഷ്യൽ മീഡിയയിൽ ഇതിന് നൽകുകയും ചെയ്തിട്ടുണ്ട്.

അതായത് ബ്രസീൽ- കൊളംബിയ മത്സരത്തിന്റെ രണ്ടാം പകുതിക്കിടെയാണ് നെയ്മർ ഈയൊരു പോസ്റ്റ് പങ്കുവെച്ചിട്ടുള്ളത്. അതാണ് ഈയൊരു പോസ്റ്റ് കൂടുതൽ ശ്രദ്ധ ആകർഷിക്കാൻ കാരണം.ബ്രസീലിന്റെ ഇന്നത്തെ പ്രകടനം വളരെ മോശമായിരുന്നു. നെയ്മർ അതിനെ പരോക്ഷമായി പരിഹസിച്ചതാണോ എന്ന സംശയങ്ങളാണ് ഉയരുന്നത്.ഏതായാലും എന്താണ് ഉദ്ദേശിച്ചത് എന്ന് നെയ്മർക്ക് മാത്രമാണ് അറിയുക. പക്ഷേ ആരാധകർക്കിടയിൽ ഈ പോസ്റ്റ് വലിയ ചർച്ചയായിട്ടുണ്ട്.