ബ്രസീലിന്റെ അടുത്ത സൂപ്പർസ്റ്റാർ മെസ്സിഞ്ഞോ:നെയ്മർ

ഇന്നലെ ബ്രസീലിയൻ ലീഗിൽ നടന്ന മത്സരത്തിൽ വിജയം നേടാൻ വമ്പൻമാരായ പാൽമിറാസിന് സാധിച്ചിരുന്നു.ഒന്നിനെതിരെ മൂന്ന് ഗോളുകൾക്കാണ് അവർ എതിരാളികളെ പരാജയപ്പെടുത്തിയത്. മത്സരത്തിൽ മെസ്സിഞ്ഞോ അഥവാ എസ്റ്റവായോ വില്യൻ ഒരു ഗോൾ നേടിയിട്ടുണ്ട്. നിലവിൽ മിന്നുന്ന പ്രകടനമാണ് അദ്ദേഹം ബ്രസീലിയൻ ലീഗിൽ നടത്തിക്കൊണ്ടിരിക്കുന്നത്.

കേവലം 17 വയസ്സ് മാത്രമുള്ള മെസ്സിഞ്ഞോ അവസാനത്തെ നാലു മത്സരങ്ങളിൽ നിന്ന് നാല് ഗോൾ പങ്കാളിത്തങ്ങൾ നേടിക്കഴിഞ്ഞു.രണ്ട് ഗോളുകളും രണ്ട് അസിസ്റ്റുകളുമാണ് അദ്ദേഹം നേടിയിട്ടുള്ളത്. നെയ്മർ ജൂനിയർ വളരെയധികം ഇഷ്ടപ്പെടുന്ന താരം കൂടിയാണ് മെസ്സിഞ്ഞോ.ഇപ്പോഴിതാ താരത്തെ പ്രശംസിച്ചുകൊണ്ട് നെയ്മർ തന്നെ രംഗത്ത് വന്നിട്ടുണ്ട്. ബ്രസീലിന്റെ അടുത്ത പ്രതീക്ഷ മെസ്സിഞ്ഞോയാണ് എന്നാണ് നെയ്മർ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഈ പുതിയ ജനറേഷനിൽ എന്നെ ഏറ്റവും കൂടുതൽ എക്സൈറ്റ് ചെയ്യിപ്പിക്കുന്ന ബ്രസീലിയൻ പ്രതിഭ എസ്റ്റവായോ വില്യനാണ്.ബ്രസീലിയൻ ഫുട്ബോളിൽ തിളങ്ങിനിൽക്കുന്ന ഒരു വലിയ ടാലന്റ് തന്നെയാണ് അദ്ദേഹം. തീർച്ചയായും അദ്ദേഹം ഭാവിയിൽ ഒരു ജീനിയസായി മാറും “ഇതാണ് നെയ്മർ ജൂനിയർ തന്റെ പുതിയ അഭിമുഖത്തിൽ പറഞ്ഞിട്ടുള്ളത്.

താരത്തെ ഇംഗ്ലീഷ് പ്രീമിയർ ലീഗ് വമ്പൻമാരായ ചെൽസി സ്വന്തമാക്കി കഴിഞ്ഞിട്ടുണ്ട്. പക്ഷേ 18 വയസ്സ് പൂർത്തിയാക്കി കഴിഞ്ഞതിനുശേഷം മാത്രമായിരിക്കും അദ്ദേഹം ചെൽസിയിലേക്ക് എത്തുക. ഇന്നലെ ഗോൾ നേടിയതിനു ശേഷം ചെൽസി സൂപ്പർതാരമായ കോൾ പാൽമറുടെ സെലിബ്രേഷൻ മെസ്സിഞ്ഞോ അനുകരിച്ചത് ഏറെ ശ്രദ്ധ പിടിച്ചു പറ്റിയിരുന്നു.