പൊരിഞ്ഞ അടി,ഡച്ച് ഹൂളിഗൺസിന്റെ ആക്രമണത്തിൽ ഇംഗ്ലണ്ട് ആരാധകർക്ക് പരിക്ക്!

ഇന്നലെ യുവേഫ യൂറോ കപ്പിൽ നടന്ന സെമി ഫൈനൽ പോരാട്ടത്തിൽ ആവേശകരമായ വിജയം സ്വന്തമാക്കാൻ ഇംഗ്ലണ്ടിന് കഴിഞ്ഞിരുന്നു. ഒന്നിനെതിരെ 2 ഗോളുകൾക്കാണ് അവർ മറ്റൊരു കരുത്തരായ നെതർലാന്റ്സിനെ പരാജയപ്പെടുത്തിയത്. മത്സരത്തിൽ സാവി സിമൺസിലൂടെ നെതർലാന്റ്സാണ് ലീഡ് എടുത്തത്. എന്നാൽ അധികം വൈകാതെ പെനാൽറ്റിയിലൂടെ ഹാരി കെയ്ൻ ഇംഗ്ലണ്ടിന് സമനില നേടിക്കൊടുത്തു.

പിന്നീട് മത്സരത്തിന്റെ അവസാനത്തിൽ കോൾ പാൽമറുടെ അസിസ്റ്റിൽ നിന്നും ഒല്ലി വാറ്റ്ക്കിൻസ് ഗോൾ നേടിയതോടെ ഇംഗ്ലണ്ട് വിജയം സ്വന്തമാക്കുകയായിരുന്നു. യൂറോ കപ്പിന്റെ ഫൈനലിൽ മറ്റൊരു കരുത്തരായ സ്പെയിനാണ് ഇംഗ്ലണ്ടിന്റെ എതിരാളികൾ.വരുന്ന ഞായറാഴ്ച അർദ്ധരാത്രി ഇന്ത്യൻ സമയം 12:30നാണ് ഈയൊരു മത്സരം അരങ്ങേറുക.

എന്നാൽ ഇന്നലത്തെ മത്സരത്തിനു മുന്നോടിയായി ഒരുപാട് അനിഷ്ട സംഭവങ്ങൾ അരങ്ങേറിയിട്ടുണ്ട്.ഡോർട്മുണ്ടിൽ വെച്ച് കൊണ്ടായിരുന്നു മത്സരം നടന്നിരുന്നത്.ഡച്ച് ഹൂളിഗൺസ് അഥവാ നെതർലാന്റ്സ് ആരാധകരാണ് ആക്രമണങ്ങൾ അഴിച്ചുവിട്ടത്.ബാറിൽ ഉണ്ടായിരുന്ന ഒരു കൂട്ടം ഇംഗ്ലീഷ് ആരാധകരെ ഈ ഹൂളിഗൺസ് ആക്രമിക്കുകയായിരുന്നു. കസേരകൾ ഉൾപ്പെടെയുള്ള സാധനസാമഗ്രികൾ എടുത്തെറിഞ്ഞായിരുന്നു ഈ ആക്രമണങ്ങൾ നടന്നിരുന്നത്. ഇംഗ്ലീഷ് ആരാധകർക്ക് തന്നെയാണ് അടി കൊള്ളേണ്ടിവന്നത്.

തുടർന്ന് 5 ഇംഗ്ലീഷ് ആരാധകർക്ക് താരമായ രീതിയിൽ പരിക്കേറ്റു എന്നാണ് അറിയാൻ സാധിക്കുന്നത്. ഇതിന്റെ വീഡിയോ ദൃശ്യങ്ങൾ സാമൂഹിക മാധ്യമങ്ങളിൽ ഇപ്പോൾ വൈറലാണ്.ഈ യൂറോ കപ്പിലെ തന്നെ ഏറ്റവും മികച്ച ആരാധകരിൽ ഒന്നാണ് ഡച്ച് ഫാൻസ്‌. അവരുടെ മത്സരത്തിന്റെ ദിവസം അവർ തങ്ങളുടെ ശക്തി പ്രകടനം നടത്താറുണ്ട്.എന്നാൽ ഇന്നലെ അത് ആക്രമണ സംഭവങ്ങളിലേക്ക് വഴി നയിക്കുകയായിരുന്നു. ഏതായാലും ഇക്കാര്യത്തിൽ യുവേഫ ഉചിതമായ നടപടികൾ കൈക്കൊള്ളും തന്നെയാണ് പ്രതീക്ഷിക്കപ്പെടുന്നത്.