നെയ്മർ ബ്രസീലിന് വേണ്ടിയുള്ള മത്സരങ്ങൾ കളിക്കുമോ? പുതിയ വിവരങ്ങളുമായി ഗ്ലോബോ!

വരുന്ന ഇന്റർനാഷണൽ ബ്രേക്കിൽ 2 വേൾഡ് കപ്പ് യോഗ്യത മത്സരങ്ങളാണ് ലാറ്റിനമേരിക്കൻ വമ്പൻമാരായ ബ്രസീൽ കളിക്കുന്നത്.ആദ്യ മത്സരത്തിൽ ബ്രസീലിന്റെ എതിരാളികൾ ബൊളീവിയയാണ്.സെപ്റ്റംബർ ഒമ്പതാം തീയതിയാണ് ഈ മത്സരം നടക്കുക.പിന്നീട് സെപ്റ്റംബർ പതിമൂന്നാം തീയതി നടക്കുന്ന മത്സരത്തിൽ പെറുവിനെ ബ്രസീൽ നേരിടും.

ഈ മത്സരങ്ങൾക്കുള്ള സ്‌ക്വാഡ് നേരത്തെ തന്നെ ഡിനിസ് പ്രഖ്യാപിച്ചിരുന്നു.ഒരു വലിയ ഇടവേളക്ക് ശേഷം സൂപ്പർ താരം നെയ്മർ ജൂനിയർ ടീമിലേക്ക് തിരിച്ചെത്തിയിട്ടുണ്ട്.എന്നാൽ അദ്ദേഹത്തിന്റെ കാര്യത്തിൽ സംശയങ്ങൾ നിലനിന്നിരുന്നു. കാരണം നെയ്മറെ പരിക്ക് അലട്ടുന്നുണ്ട്. അദ്ദേഹം ഇതുവരെ അൽ ഹിലാലിന് വേണ്ടി തന്റെ അരങ്ങേറ്റം നടത്തിയിട്ടില്ല.

പക്ഷേ ക്ലബ്ബിനോടൊപ്പം അദ്ദേഹം പരിശീലനം നല്ല രീതിയിൽ നടത്തുന്നുണ്ട്.അൽ ഇത്തിഹാദിനെതിരെയുള്ള മത്സരത്തിൽ നെയ്മറുടെ അരങ്ങേറ്റം ഉണ്ടാകും എന്ന് തന്നെയാണ് പ്രതീക്ഷിക്കപ്പെടുന്നത്. ആ മത്സരം അവസാനിച്ചതിനുശേഷം ഉടൻതന്നെ നെയ്മർ വേൾഡ് കപ്പ് യോഗ്യത മത്സരങ്ങൾ കളിക്കാൻ വേണ്ടി ബ്രസീലിലേക്ക് പറക്കും.

നെയ്മർ ബ്രസീലിന്റെ രണ്ട് മത്സരങ്ങളും കളിക്കും.ഇക്കാര്യം സ്ഥിരീകരിച്ചിരിക്കുന്നത് പ്രമുഖ ബ്രസീലിയൻ മാധ്യമമായ ഗ്ലോബോയാണ്.ബ്രസീലിയൻ ആരാധകർക്ക് സന്തോഷം പകരുന്ന ഒരു കാര്യമാണിത്.കാരണം ഖത്തർ വേൾഡ് കപ്പിന് ശേഷം നെയ്മർ ബ്രസീലിനു വേണ്ടി കളിച്ചിരുന്നില്ല.അദ്ദേഹം മികച്ച പ്രകടനം നടത്തുമെന്ന് തന്നെയാണ് പ്രതീക്ഷകൾ. മറ്റൊരു സൂപ്പർ താരമായ വിനീഷ്യസ് ജൂനിയറെ പരിക്ക് മൂലം ബ്രസീലിന് നഷ്ടമായിരുന്നു.