ഡിനിസ് ആവശ്യപ്പെട്ടത് ആ പഴയ ജീസസിനെ : പരിക്കിൽ നിന്നും തിരിച്ചെത്തിയ ജീസസ് പറയുന്നു.

ഈ ഇന്റർനാഷണൽ ബ്രേക്കിൽ 2 വേൾഡ് കപ്പ് യോഗ്യതാ മത്സരങ്ങളാണ് ബ്രസീൽ കളിക്കുന്നത്. ആദ്യ മത്സരത്തിൽ വെനിസ്വേലയും പിന്നീട് നടക്കുന്ന മത്സരത്തിൽ ഉറുഗ്വയുമാണ് ബ്രസീലിന്റെ എതിരാളികൾ. ഈ മത്സരങ്ങൾക്കുള്ള ടീമിനെ നേരത്തെ തന്നെ പരിശീലകനായ ഫെർണാണ്ടോ ഡിനിസ് പ്രഖ്യാപിച്ചിരുന്നു. സൂപ്പർ താരം ഗബ്രിയേൽ ജീസസ് ബ്രസീൽ ടീമിൽ തിരിച്ചെത്തിയിട്ടുണ്ട്.പരിക്ക് മൂലം ദീർഘകാലം പുറത്തായിരുന്നു അദ്ദേഹം.

കഴിഞ്ഞ ദിവസത്തെ പത്രസമ്മേളനത്തിൽ ജീസസായിരുന്നു സംസാരിച്ചിരുന്നത്.ഫെർണാണ്ടോ ഡിനിസിനെ കുറിച്ച് അദ്ദേഹം ഇപ്പോൾ ചില കാര്യങ്ങൾ പങ്കുവെച്ചിട്ടുണ്ട്.പാൽമിറാസിലും മാഞ്ചസ്റ്റർ സിറ്റിയിലും ഉണ്ടായിരുന്ന ആ പഴയ ജീസസിനെയാണ് അദ്ദേഹം ആവശ്യപ്പെട്ടത് എന്നാണ് ജീസസ് പറഞ്ഞിട്ടുള്ളത്.താരത്തിന്റെ വാക്കുകളെ ഗ്ലോബോ റിപ്പോർട്ട് ചെയ്യുന്നത് ഇങ്ങനെയാണ്.

“പാൽമിറാസിൽ ഞാൻ ഒരുപാട് സ്വാതന്ത്ര്യത്തോട് കൂടിയായിരുന്നു കളിച്ചിരുന്നത്. ബോക്സിനകത്തും പുറത്തും ഒരുപാട് മൂവുകൾ നടത്തിയിരുന്നു.പിന്നീട് ഞാൻ സെന്റർ ഫോർവേഡായി കളിച്ചു തുടങ്ങിയപ്പോൾ അത്രയധികം മൂവുകൾ ഉണ്ടായിരുന്നില്ല.ഡിനിസ് എന്നോട് ആദ്യമായി പറഞ്ഞ കാര്യം,പാൽമിറാസിലും മാഞ്ചസ്റ്റർ സിറ്റിയിലും ഉണ്ടായിരുന്ന ആ പഴയ ജീസസിനെയാണ് തനിക്ക് ആവശ്യമെന്ന് എന്നാണ്. മാഞ്ചസ്റ്റർ സിറ്റിയിലും ഞാൻ പരക്കേ കളിച്ചിരുന്നു.എന്നാൽ ആഴ്സനലിൽ അങ്ങനെയല്ല. അവിടെ കൂടുതൽ കൺട്രോൾഡ് ആയിട്ടുള്ള ഗെയിമാണ്. ഏതായാലും പരിശീലകൻ ആവശ്യപ്പെട്ടത് എനിക്ക് നൽകേണ്ടതുണ്ട് ” ഇതാണ് ജീസസ് പറഞ്ഞിട്ടുള്ളത്.

പരിക്കിൽ നിന്നും മുക്തനായി അദ്ദേഹം ഈയിടെയാണ് കളിക്കളത്തിലേക്ക് തിരിച്ചെത്തിയത്.ബ്രസീലിന്റെ ദേശീയ ടീമിന് വേണ്ടി ആകെ 61 മത്സരങ്ങൾ കളിച്ച ഈ താരം 19 ഗോളുകളാണ് നേടിയിട്ടുള്ളത്. താരത്തിന് മികച്ച പ്രകടനം നടത്താൻ സാധിക്കുമെന്ന് തന്നെയാണ് ആരാധകർ പ്രതീക്ഷിക്കുന്നത്.