ഞാൻ അവനിൽ നിന്നും കൂടുതൽ പ്രതീക്ഷിക്കുന്നു: എൻറിക്കെയെ പരിഹസിച്ച് ദെഷാപ്സ്!

പിഎസ്ജിക്ക് വേണ്ടി അവസാനമായി കളിച്ച മത്സരത്തിൽ സൂപ്പർ താരം കിലിയൻ എംബപ്പേ ഹാട്രിക്ക് നേടിയിരുന്നു.റെയിംസിനെയായിരുന്നു ആ മത്സരത്തിൽ പിഎസ്ജി പരാജയപ്പെടുത്തിയിരുന്നത്. എന്നാൽ അതിനു ശേഷം എംബപ്പേക്കെതിരെ പരിശീലകനായ എൻറിക്കെ വിമർശനങ്ങൾ ഉന്നയിച്ചിരുന്നു.എംബപ്പേയുടെ കാര്യത്തിൽ താൻ ഹാപ്പി അല്ലെന്നും എംബപ്പേക്ക് ഇതിൽ കൂടുതൽ ചെയ്യാൻ സാധിക്കുമെന്നുമായിരുന്നു എൻറിക്കെ പറഞ്ഞിരുന്നത്.

ഇത് പിന്നീട് ഫുട്ബോൾ ലോകത്ത് വലിയ ചർച്ചയായി. ഫ്രഞ്ച് ദേശീയ ടീമിന്റെ കഴിഞ്ഞ മത്സരത്തിൽ എതിരില്ലാത്ത 14 ഗോളുകൾക്കാണ് അവർ വിജയിച്ചത്. മത്സരത്തിൽ എംബപ്പേ മൂന്ന് ഗോളുകളും മൂന്ന് അസിസ്റ്റുകളും സ്വന്തമാക്കിയിരുന്നു.എംബപ്പേയെ കുറിച്ച് ചോദിച്ചപ്പോൾ ദെഷാപ്സ് പരിഹാസ രൂപേണ ഒരു കാര്യം പറഞ്ഞിട്ടുണ്ട്. ഇതിലും കൂടുതൽ എംബപ്പേയിൽ നിന്ന് ഞാൻ പ്രതീക്ഷിക്കുന്നു എന്നാണ് ഫ്രഞ്ച് കോച്ച് ചിരിച്ചുകൊണ്ട് പറഞ്ഞിട്ടുള്ളത്.എൻറിക്കെയെ പരിഹസിക്കുകയാണ് ഇതിലൂടെ ഇദ്ദേഹം ചെയ്തിട്ടുള്ളത്.ദെഷാപ്സിന്റെ വാക്കുകൾ ഇങ്ങനെയാണ്.

” ഞാൻ ഇതിൽ കൂടുതൽ എംബപ്പേയിൽ നിന്നും പ്രതീക്ഷിക്കുന്നുണ്ട്. ഒരു ക്യാപ്റ്റൻ എന്ന റോളിൽ എംബപ്പേ വളരെയധികം പെർഫെക്ട് ആണ്. അസാധാരണമായ ഒരു താരമാണ് എംബപ്പേ. കളിക്കളത്തിൽ മാത്രമല്ല, ടീമിനകത്ത് തന്നെ ശാന്തത കൊണ്ടുവരാൻ എംബപ്പേക്ക് സാധിക്കുന്നുണ്ട് ” ഇതാണ് ഫ്രഞ്ച് പരിശീലകൻ പറഞ്ഞിട്ടുള്ളത്.

അതായത് ഫ്രഞ്ച് ദേശീയ ടീമിൽ പരിശീലകനോട് ഒന്നും തന്നെ തെളിയിക്കാൻ എംബപ്പേക്കില്ല.പക്ഷേ പിഎസ്ജി ടീമിലെ പരിശീലകനോട് ഇനിയും തെളിയിക്കാൻ എംബപ്പേക്കുണ്ട്. കാരണം താരത്തിന്റെ പ്രകടനത്തിൽ എൻറിക്കെ ഹാപ്പിയായിട്ടില്ല.പിഎസ്ജി ലീഗ് വണ്ണിൽ ഇനി മൊണാക്കോക്കെതിരെയാണ് കളിക്കുക.