ചരിത്രത്തിലെ എക്കാലത്തെയും മികച്ച മൂന്ന് താരങ്ങളെ വെളിപ്പെടുത്തി പൗലോ മാൾഡീനി!

ഫുട്ബോൾ ചരിത്രത്തിലെ എക്കാലത്തെയും മികച്ച പ്രതിരോധനിര താരങ്ങളിൽ ഒരാളായി കൊണ്ട് അറിയപ്പെടുന്ന താരമാണ് പൗലോ മാൾഡീനി. തന്റെ കരിയർ മുഴുവനും ഇറ്റാലിയൻ ക്ലബ്ബായ AC മിലാന് വേണ്ടി ചിലവഴിക്കുകയായിരുന്നു ഈ ഇതിഹാസം.നിരവധി നേട്ടങ്ങൾ ഈ ക്ലബ്ബിനോടൊപ്പം അദ്ദേഹം കരസ്ഥമാക്കിയിട്ടുണ്ട്. മാത്രമല്ല ഇറ്റലിയുടെ ദേശീയ ടീമിനുവേണ്ടി നൂറിൽപ്പരം മത്സരങ്ങൾ മാൾഡീനി കളിക്കുകയും ചെയ്തിട്ടുണ്ട്.

ഫുട്ബോൾ ചരിത്രത്തിലെ എക്കാലത്തെയും മികച്ച മൂന്ന് താരങ്ങൾ ആരൊക്കെയാണ്? ഈ ചോദ്യത്തിന് ഇപ്പോൾ മാൾഡീനി ഉത്തരം നൽകിയിട്ടുണ്ട്.ലയണൽ മെസ്സിയാണ് ഒരു താരം. തീർച്ചയായും ഫുട്ബോൾ ലോകത്തെ സാധ്യമായ എല്ലാ നേട്ടങ്ങളും കരസ്ഥമാക്കിയ മെസ്സി ഇതിന് തീർത്തും അർഹനാണ്.

മറ്റൊരു താരം ബ്രസീലിയൻ ഇതിഹാസമായ റൊണാൾഡോ നസാരിയോയാണ്.വളരെ ചെറിയ പ്രായത്തിൽ തന്നെ സ്വപ്നതുല്യമായ നേട്ടങ്ങൾ കരസ്ഥമാക്കിയിട്ടുള്ള ഇതിഹാസമാണ് റൊണാൾഡോ. ഒരുപാട് തവണ മാൾഡീനി റൊണാൾഡോയെ നേരിട്ടിട്ടുണ്ട്. തന്നെ ഏറ്റവും കൂടുതൽ ബുദ്ധിമുട്ടിച്ച താരങ്ങളിൽ ഒരാൾ റൊണാൾഡോയാണ് എന്നുള്ള കാര്യം ഈ ഇറ്റാലിയൻ ഇതിഹാസം തുറന്നു പറയുകയും ചെയ്തിരുന്നു.

മറ്റൊരു താരം അർജന്റീന ഇതിഹാസമാണ് ഡിയഗോ മറഡോണയാണ്. നാപ്പോളിക്കും അർജന്റീനക്കും ഒരുപാട് നേട്ടങ്ങൾ സമ്മാനിച്ച ഇതിഹാസമാണ് മറഡോണ. മൂന്നു താരങ്ങളെയാണ് ചരിത്രത്തിലെ എക്കാലത്തെയും മികച്ച താരങ്ങളായി കൊണ്ട് മാൾഡീനി പരിഗണിക്കുന്നത്. അതേസമയം സൂപ്പർ താരം ക്രിസ്റ്റ്യാനോ റൊണാൾഡോ, ബ്രസീലിയൻ ഇതിഹാസമായ പെലെ എന്നിവരെ മാൾഡീനി ഉൾപ്പെടുത്താത്തത് പലർക്കും ഞെട്ടൽ ഉണ്ടാക്കിയിട്ടുണ്ട്.