ക്രിസ്റ്റ്യാനോ WWE യിലേക്ക്..?

കഴിഞ്ഞ ജനുവരി ട്രാൻസ്ഫർ ജാലകത്തിലായിരുന്നു സൂപ്പർ താരം ക്രിസ്റ്റ്യാനോ റൊണാൾഡോ സൗദി അറേബ്യയിൽ എത്തിയത്. ഒരു വലിയ ഇമ്പാക്ടാണ് അദ്ദേഹം സൗദി അറേബ്യയിൽ സൃഷ്ടിച്ചത്. റൊണാൾഡോയുടെ പാത പിന്തുടർന്നുകൊണ്ട് നിരവധി സൂപ്പർതാരങ്ങൾ സൗദി അറേബ്യൻ ലീഗിലേക്ക് എത്തിയിരുന്നു. ഇന്നിപ്പോൾ ഫുട്ബോൾ ലോകം ശ്രദ്ധിക്കുന്ന ലീഗായി മാറാൻ സൗദിക്ക് കഴിഞ്ഞിട്ടുണ്ട്.

ലോകത്ത് ഏറ്റവും കൂടുതൽ പ്രശസ്തിയുള്ള വ്യക്തികളിൽ ഒരാളാണ് റൊണാൾഡോ.ഇൻസ്റ്റഗ്രാമിന്റെ ചരിത്രത്തിൽ ഏറ്റവും കൂടുതൽ ഫോളോവേഴ്സ് ഉള്ള വ്യക്തി ക്രിസ്റ്റ്യാനോ റൊണാൾഡോയാണ്.അദ്ദേഹത്തെ വേൾഡ് റെസലിംഗ് എന്റർടൈമെന്റ് പ്രോഗ്രാമിലേക്ക് കൊണ്ടുവരാൻ ഇപ്പോൾ പദ്ധതികൾ ഉണ്ട്.WWE യുടെ ഇപ്പോഴത്തെ ഉടമസ്ഥരാണ് റൊണാൾഡോയെ ഈ പ്രോഗ്രാമിലേക്ക് കൊണ്ടുവരാൻ ആഗ്രഹിക്കുന്നത്. അതായത് ഈ നവംബർ മാസത്തിൽ സൗദി അറേബ്യയിൽ വച്ചുകൊണ്ട് WWE യുടെ ക്രൗൺ ജുവൽ ഷോ അരങ്ങേറുന്നുണ്ട്.

ഈ ഷോയിൽ ക്രിസ്റ്റ്യാനോ റൊണാൾഡോയെ സ്പെഷ്യൽ ഗസ്റ്റ് ആയിക്കൊണ്ട് അവതരിപ്പിക്കാനാണ് ഇപ്പോൾ അവർ ഉദ്ദേശിക്കുന്നത്. പ്രശസ്ത താരം ജോൺസിനക്കൊപ്പമായിരിക്കും ക്രിസ്റ്റ്യാനോ എത്തുക എന്ന റൂമറുകളും ഉണ്ട്.ഇക്കാര്യത്തിൽ ഒഫീഷ്യൽ പ്രഖ്യാപനങ്ങൾ ഒന്നും വന്നിട്ടില്ല. മറിച്ച് പ്രമുഖ സ്പാനിഷ് മാധ്യമമായ ഡയാരിയോ AS ആണ് ഇക്കാര്യം റിപ്പോർട്ട് ചെയ്തിട്ടുള്ളത്. റൊണാൾഡോ സമ്മതം മൂളിയാൽ WWE യിൽ അതിഥിയായി കൊണ്ട് റൊണാൾഡോ അരങ്ങേറ്റം നടത്തുന്നതും നമുക്ക് കാണാൻ കഴിഞ്ഞേക്കും.

അൽ നസ്റിന്റെ കഴിഞ്ഞ ചാമ്പ്യൻസ് ലീഗ് മത്സരത്തിൽ റൊണാൾഡോ കളിച്ചിരുന്നു. ഇനി സൗദി പ്രൊ ലീഗിൽ അൽ അഹ്ലിക്കെതിരെയാണ് അൽ നസ്ർ കളിക്കുക. നിലവിൽ ലീഗിൽ അഞ്ച് മത്സരങ്ങളിൽ നിന്ന് ഏഴു ഗോളുകളും നാല് അസിസ്റ്റുകളും റൊണാൾഡോ സ്വന്തമാക്കിയിട്ടുണ്ട്.