ക്രിസ്റ്റ്യാനോയാണ് ഫേവറേറ്റ് പ്ലെയർ: ‘ലോകത്തിലെ ഏറ്റവും സുന്ദരിയായ ഫുട്ബോളർ’ പറയുന്നു!

ഈയിടെയായിരുന്നു ക്രോയേഷ്യയുടെ വനിതാ ദേശീയ ടീമിലേക്ക് അന മരിയ മാർക്കോവിച്ചിന് വിളി വന്നത്.22-കാരിയായ താരം സ്വിസ് ക്ലബായ ഗ്രാസ്ഹോപ്പറിന് വേണ്ടിയാണ് കളിക്കുന്നത്. ലോകത്തിലെ ഏറ്റവും സുന്ദരിയായ ഫുട്ബോളർ എന്നാണ് ചില മാധ്യമങ്ങൾ ഇവരെ വിശേഷിപ്പിക്കുന്നത്.ഇതിനോടുള്ള തന്റെ പ്രതികരണം അന രേഖപ്പെടുത്തുകയും ചെയ്തിരുന്നു.ഇതേ കുറിച്ച് ഇവർ പറഞ്ഞ വാക്കുകൾ ഇങ്ങനെയാണ്.

” ഏറ്റവും സുന്ദരിയായ ഫുട്ബോളർ എന്നാണ് ചില ലേഖനങ്ങൾ എന്നെ വിശേഷിപ്പിച്ചിട്ടുള്ളത്. ശരിക്കും ആ ലേഖനങ്ങൾ എനിക്കിഷ്ടമായി.ഞാൻ സുന്ദരിയാണ് എന്ന് കേൾക്കുന്നത് എന്നെ വളരെയധികം സന്തോഷവതിയാക്കുന്നു ” ഇതായിരുന്നു അന പറഞ്ഞിട്ടുള്ളത്.

അതേസമയം താൻ ഏറ്റവും കൂടുതൽ ഇഷ്ടപ്പെടുന്ന താരം ക്രിസ്ത്യാനോ റൊണാൾഡോയാണെന്നും ഇവർ വെളിപ്പെടുത്തിയിട്ടുണ്ട്. കൂടാതെ ക്രൊയേഷ്യൻ സൂപ്പർ താരമായ ലുക്ക മോഡ്രിച്ചിനെയും ഇവർ പരാമർശിച്ചിട്ടുണ്ട്.അനയുടെ വാക്കുകൾ ഇങ്ങനെയാണ്.

” തീർച്ചയായും മോഡ്രിച്ച് എനിക്ക് വലിയൊരു റോൾമോഡൽ തന്നെയാണ്. ക്രൊയേഷ്യയെ പ്രതിനിധീകരിക്കുന്ന വേൾഡ് ഫുട്ബോളർ ആണദ്ദേഹം. പക്ഷേ എന്റെ ഏറ്റവും വലിയ ഫേവറേറ്റ് പ്ലെയർ, അത് ക്രിസ്റ്റ്യാനോ റൊണാൾഡോയാണ്. അദ്ദേഹം വളരെയധികം അച്ചടക്കമുള്ളവനാണ്. അദ്ദേഹത്തെ പോലെയൊരു മൈൻഡ്സെറ്റ് ഉണ്ടാക്കി കൊണ്ട് എല്ലാം ഫുട്ബോളിന് വേണ്ടി നൽകൽ വളരെയധികം പ്രധാനപ്പെട്ട ഒരു കാര്യമാണ് ” ഇതാണ് അന പറഞ്ഞിട്ടുള്ളത്.