കൊക്കോ കോള, ക്രിസ്റ്റ്യാനോ റൊണാൾഡോയെ ട്രോളി റഷ്യൻ പരിശീലകൻ!

കഴിഞ്ഞ ഹങ്കറിക്കെതിരെയുള്ള മത്സരത്തിന് മുന്നോടിയായുള്ള പത്രസമ്മേളനത്തിലായിരുന്നു സൂപ്പർ താരം ക്രിസ്റ്റ്യാനോ റൊണാൾഡോ ഏറെ ജനശ്രദ്ധ നേടിയ ഒരു പ്രവർത്തി ചെയ്തത്. പത്രസമ്മേളനം ആരംഭിക്കുന്നതിന് മുന്നേ തന്റെ മുമ്പിലുണ്ടായിരുന്ന കൊക്കോ കോളയുടെ രണ്ട് ബോട്ടിലുകൾ മാറ്റി നിർത്തുകയും പകരം വെള്ളത്തിന്റെ കുപ്പി തൽസ്ഥാനത്ത് സ്ഥാപിക്കുകയും ചെയ്തത്. ഇക്കാര്യം സോഷ്യൽ മീഡിയയിൽ വലിയ തോതിൽ വൈറലാവുകയും അത്‌ കൊക്കോ കോളയുടെ ഓഹരി വിപണിയെ ബാധിക്കുകയും ചെയ്തിരുന്നു. വൻ നഷ്ടമാണ് കൊക്കോ കോളക്ക് ഇത്‌ വഴി സംഭവിച്ചത്.

എന്നാൽ ഇതിന്റെ നേർവിപരീതം പ്രവർത്തിച്ചു കൊണ്ട് ക്രിസ്റ്റ്യാനോ റൊണാൾഡോയെ ട്രോളിയിരിക്കുകയാണിപ്പോൾ റഷ്യൻ പരിശീലകനായ ചെർച്ചെസവ്.പത്രസമ്മേളനത്തിന് എത്തിയ സമയത്ത് തന്റെ മുമ്പിൽ കണ്ട കൊക്കോ കോള ബോട്ടിൽ പൊട്ടിക്കുകയും അതിൽ നിന്ന് കുടിക്കുകയുമായി ചെയ്തത്. തന്റെ മുമ്പിലുള്ള ക്യാമറയിലേക്ക് നോക്കി കൊണ്ടാണ് റഷ്യൻ പരിശീലകൻ ഇക്കാര്യം പ്രവർത്തിച്ചത്. ക്രിസ്റ്റ്യാനോ റൊണാൾഡോയുടെ പ്രവർത്തിക്കെതിരെയുള്ള ഒരു മറുപടിയായാണ് ഫുട്ബോൾ ലോകം ഇതിനെ കണക്കാക്കുന്നത്.