കളി തുടരും,എന്റെ സീറ്റ് വെറുതെ വിട്ടുകൊടുക്കാൻ ആഗ്രഹിക്കുന്നില്ല: CR7

ഇന്ന് യൂറോ യോഗ്യതയിൽ നടക്കുന്ന മത്സരത്തിൽ വമ്പൻമാരായ പോർച്ചുഗൽ കളത്തിലേക്ക് ഇറങ്ങുന്നുണ്ട്. ഇന്ന് രാത്രി ഇന്ത്യൻ സമയം 12:15ന് നടക്കുന്ന മത്സരത്തിൽ ഐസ്ലാൻഡ് ആണ് പോർച്ചുഗല്ലിന്റെ എതിരാളികൾ. കഴിഞ്ഞ മത്സരത്തിൽ ബോസ്നിയയെ പരാജയപ്പെടുത്തി കൊണ്ടാണ് പോർച്ചുഗൽ വരുന്നത്.

സൂപ്പർ താരം ക്രിസ്റ്റ്യാനോ റൊണാൾഡോ ചരിത്ര നേട്ടത്തിന്റെ അരികിലാണ്. ഇന്നത്തെ മത്സരത്തിൽ ഇറങ്ങുന്നതോടുകൂടി പോർച്ചുഗലിനു വേണ്ടി 200 മത്സരങ്ങൾ പൂർത്തിയാക്കാൻ അദ്ദേഹത്തിന് കഴിയും. ഫുട്ബോൾ ചരിത്രത്തിൽ ആരും തന്നെ സ്വന്തം രാജ്യത്തിനുവേണ്ടി 200 മത്സരങ്ങൾ കളിച്ചിട്ടില്ല. ഏതായാലും പോർച്ചുഗൽ ദേശീയ ടീമിലെ തന്റെ ഭാവിയെക്കുറിച്ച് റൊണാൾഡോ ഇപ്പോൾ സംസാരിച്ചിട്ടുണ്ട്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഞാൻ ഉടൻ തന്നെ ഒന്നും എന്റെ പോർച്ചുഗൽ കരിയർ അവസാനിപ്പിക്കില്ല.എന്റെ സ്ഥാനം ഒഴിയാൻ ഞാൻ ആഗ്രഹിക്കുന്നില്ല. ഞാൻ മോട്ടിവേറ്റഡ് ആയിരിക്കുന്നടത്തോളം കാലം ഇവിടെ ഉണ്ടാവും. മാത്രമല്ല ആളുകൾ എന്റെ സാന്നിധ്യം ഇഷ്ടപ്പെടുകയും ചെയ്യുന്നു. എന്റെ പങ്കാളിത്തവും എന്റെ ലീഡർഷിപ്പും ഒരുപാട് പേർ ഇഷ്ടപ്പെടുന്നുണ്ട്. അതുകൊണ്ടുതന്നെ ഇത് ഇട്ടിട്ടു പോകാൻ ഞാൻ ഒരുക്കമല്ല “ഇതാണ് റൊണാൾഡോ പറഞ്ഞിട്ടുള്ളത്.

അടുത്ത വർഷം നടക്കുന്ന യൂറോകപ്പിൽ റൊണാൾഡോ ഉണ്ടാകുമെന്ന് തന്നെയാണ് പ്രതീക്ഷിക്കപ്പെടുന്നത്. എന്നാൽ 2026 ലെ വേൾഡ് കപ്പിൽ ക്രിസ്റ്റ്യാനോ ഉണ്ടാവാനുള്ള സാധ്യത കുറവാണ്.