എനിക്ക് ചരിത്രം കുറിക്കണം : ലക്ഷ്യങ്ങൾ വ്യക്തമാക്കി എസ്റ്റവായോ

17 കാരനായ എസ്റ്റവായോ വില്യൻ ഗംഭീര പ്രകടനമാണ് ഇപ്പോൾ നടത്തിക്കൊണ്ടിരിക്കുന്നത്. ബ്രസീലിയൻ ലീഗിൽ 12 ഗോളുകളും 8 അസിസ്റ്റുകളും അദ്ദേഹം സ്വന്തമാക്കിയിട്ടുണ്ട്. 18 വയസ്സിനു മുൻപ് ബ്രസീലിയൻ ലീഗിൽ 20 ഗോൾ പങ്കാളിത്തങ്ങൾ നേടുന്ന ആദ്യത്തെ താരം എന്ന റെക്കോർഡ് എസ്റ്റവായോ വില്യൻ സ്വന്തമാക്കിയിട്ടുണ്ട്.പല ബ്രസീലിയൻ ഇതിഹാസങ്ങൾക്കും സാധിക്കാത്ത ഒരു നേട്ടമാണ് അദ്ദേഹം കരസ്ഥമാക്കിയിട്ടുള്ളത്.

ചെൽസി നേരത്തെ തന്നെ ഈ സൂപ്പർ താരത്തെ സ്വന്തമാക്കിയിട്ടുണ്ട്. അടുത്ത സീസൺ മുതലാണ് വില്യൻ ചെൽസിക്ക് വേണ്ടി കളിച്ചു തുടങ്ങുക. ചെൽസിയുടെ ചരിത്രത്തിലെ ഏറ്റവും സക്സസ് ഫുള്ളായ ബ്രസീലിയൻ താരമായി തനിക്ക് മാറണം എന്നാണ് എസ്റ്റവായോ വില്യൻ തന്റെ ലക്ഷ്യമായി പ്രഖ്യാപിച്ചിട്ടുള്ളത്. തന്റെ കഴിവ് മുഴുവനും പുറത്തെടുക്കണം എന്നും അദ്ദേഹം പറഞ്ഞിട്ടുണ്ട്.വില്യന്റെ വാക്കുകളെ ഫാബ്രിസിയോ റൊമാനോ റിപ്പോർട്ട് ചെയ്തിരിക്കുന്നത് ഇങ്ങനെയാണ്.

” എനിക്ക് ചരിത്രം സൃഷ്ടിക്കണം. ചെൽസിയുടെ ചരിത്രത്തിലെ ഏറ്റവും സക്സസ് ഫുള്ളായ ബ്രസീലിയൻ താരമായി എനിക്ക് മാറണം.കിരീടങ്ങൾ സ്വന്തമാക്കണം. എന്റെ എല്ലാ കഴിവുകളും പുറത്തെടുക്കണം.നിനക്ക് എന്തൊക്കെ കഴിയുമെന്ന് എനിക്ക് തെളിയിക്കണം. അതായിരിക്കും എന്റെ മിഷൻ ” ഇതാണ് വില്യൻ പറഞ്ഞിട്ടുള്ളത്.

ഇത്തവണത്തെ വേൾഡ് കപ്പ് യോഗ്യത മത്സരങ്ങൾ കളിക്കുന്ന ബ്രസീൽ ടീമിൽ ഇടം നേടാൻ എസ്റ്റവായോ വില്യന് കഴിഞ്ഞിട്ടുണ്ട്. വലിയ പ്രതിയുള്ള താരമായി കൊണ്ടാണ് പലരും വില്യനെ വിലയിരുത്തുന്നത്. ചെൽസിയിൽ സ്ഥിരമായി അവസരം ലഭിക്കുക എന്നതായിരിക്കും താരത്തിന്റെ മുന്നിലുള്ള വെല്ലുവിളി. അങ്ങനെ ലഭിച്ചുകഴിഞ്ഞാൽ അത് മുതലെടുക്കാൻ വില്യന് കഴിയുമെന്ന് തന്നെയാണ് ആരാധകർ പ്രതീക്ഷിക്കുന്നത്.