അർജന്റീനക്കും ബ്രസീലിനും വേൾഡ് കപ്പ് കിരീടപ്പോരാട്ടത്തിൽ വെല്ലുവിളി സൃഷ്ടിക്കുന്നത് ആരാവും : കക്ക പറയുന്നു.

ഈ വരുന്ന ഖത്തർ വേൾഡ് കപ്പിൽ പലരും കിരീട സാധ്യത കൽപ്പിക്കപ്പെടുന്ന ടീമുകളാണ് അർജന്റീനയും ബ്രസീലും.മുൻ ബ്രസീലിയൻ സൂപ്പർ താരമായ കക്കയും ഈ രണ്ട് ടീമുകൾക്ക് വലിയ സാധ്യത കല്പിച്ചിട്ടുണ്ട്. ഇപ്പോഴത്തെ അർജന്റീനയെ താൻ ഇഷ്ടപ്പെടുന്നുവെന്നും ബ്രസീലിനെ പോലെ തന്നെ അവർക്കും വലിയ സാധ്യതയുണ്ട് എന്നുമാണ് ഇതേ കുറിച്ച് കക്ക പറഞ്ഞിരുന്നത്.

അതുകൊണ്ടുതന്നെ ഈ രണ്ട് ടീമുകൾക്കും ആരാണ് വെല്ലുവിളി സൃഷ്ടിക്കുക എന്നുള്ള മറുചോദ്യം മാർക്ക കക്കയോട് ചോദിക്കപ്പെട്ടിരുന്നു. ഫ്രാൻസ്,സ്പെയിൻ, ജർമ്മനി,ബെൽജിയം, പോർച്ചുഗൽ എന്നിവരൊക്കെ വെല്ലുവിളികളാണ് എന്നാണ് കക്ക പറഞ്ഞിട്ടുള്ളത്. അദ്ദേഹത്തിന്റെ വാക്കുകൾ ഇങ്ങനെയാണ്.

” ഏറ്റവും വലിയ എതിരാളികൾ ഫ്രാൻസാണ്. അവർ നിലവിലെ ചാമ്പ്യന്മാർ ആണ്. മാത്രമല്ല ഒരുപാട് മികച്ച താരങ്ങൾ ഫ്രാൻസിന് ഉണ്ട്. കൂടാതെ സ്പെയിനും ജർമനിയും വെല്ലുവിളിയാണ്. കൂടാതെ പോർച്ചുഗല്ലിന്റെ മേലേയും ഒരു കണ്ണുവേണം. അവരും ഒരു മികച്ച ടീമാണ്.ക്രിസ്റ്റ്യാനോ എങ്ങനെയാണ് വേൾഡ് കപ്പിന് എത്തുക എന്നത് കാത്തിരുന്ന് കാണേണ്ട കാര്യമാണ്. കൂടാതെ ബെൽജിയത്തെയും പരിഗണിക്കണം. അവരും മികച്ച ടീമാണ്. ഇതുവരെ അവർക്ക് ഈ കിരീടം നേടാൻ കഴിഞ്ഞിട്ടുമില്ല ” ഇതാണ് കക്ക പറഞ്ഞിട്ടുള്ളത്.

നിലവിൽ ഫുട്ബോൾ ലോകത്ത് സ്ഥിരതയാർന്ന പ്രകടനം കാഴ്ചവെക്കുന്നത് അർജന്റീന ബ്രസീലും ആണ്. പക്ഷേ യൂറോപ്യൻ എതിരാളിക്കെതിരെ ഈ മികവ് തുടരാൻ ഇരുടീമുകൾക്കും കഴിയുമോ എന്നുള്ളിടത്താണ് വിജയ പരാജയ സാധ്യതകൾ നിലനിൽക്കുന്നത്.