അട്ടിമറി, നെതർലാന്റ്സ് യൂറോ കപ്പിൽ നിന്നും പുറത്ത്!

കരുത്തരായ നെതർലാന്റ്സിന് പ്രീ ക്വാർട്ടറിൽ അടിതെറ്റി. എതിരില്ലാത്ത രണ്ട് ഗോളുകൾക്കാണ് ചെക്ക് റിപബ്ലിക് നെതർലാന്റ്സിനെ കീഴടക്കിയത്. ഇതോടെ ക്വാർട്ടർ ഫൈനൽ കാണാതെ പുറത്താവാനായിരുന്നു ഓറഞ്ചുപടയുടെ വിധി. ചെക്കിന് വേണ്ടി ടോമസ് ഹോലെസ്,പാട്രിക് ഷിക്ക് എന്നിവരാണ് ഗോളുകൾ നേടിയത്. നെതർലാന്റ്സ് ഡിഫൻഡർ മത്യാസ് ഡി ലൈറ്റ് റെഡ് കാർഡ് കണ്ട് പുറത്തു പോയതാണ് ഹോളണ്ടിന് വിനയായത്.

മത്സരത്തിന്റെ 52-ആം മിനിറ്റിലാണ് ഡി ലൈറ്റ് റെഡ് വഴങ്ങുന്നത്. മനഃപൂർവം കൈ കൊണ്ട് പന്ത് തട്ടിയതിനാണ് റഫറി VAR ചെക്ക് ചെയ്തതിന് ശേഷം റെഡ് കാർഡ് വിധിച്ചത്. ഇതോടെ ചെക്ക് റിപബ്ലിക് ആക്രമണങ്ങൾ കടിപ്പിക്കുകയായിരുന്നു.68-ആം മിനിറ്റിൽ കാലസിന്റെ അസിസ്റ്റിൽ നിന്ന് ഹോലെസ് ഗോൾ കണ്ടെത്തുകയായിരുന്നു.പിന്നീടാണ് പാട്രിക് ഷിക്കിന്റെ ഗോൾ പിറക്കുന്നത്.ഹോലെസ് തന്നെയായിരുന്നു ഈ ഗോളിന് വഴി വെച്ചത്. ഇതോടെ നെതർലാന്റ്സ് പരാജയം സമ്മതിക്കുകയായിരുന്നു ക്വാർട്ടർ ഫൈനലിൽ ഡെന്മാർക്കിനെയാണ് ചെക്ക് നേരിടേണ്ടി വരിക.