ആരാധകർ കാത്തിരിക്കുന്ന കൊൽക്കത്ത ഡെർബി ഇന്ന്, അറിയേണ്ടതെല്ലാം !

ഇന്ത്യൻ ഫുട്ബോൾ ചരിത്രത്തിലെ തന്നെ ഏറ്റവും മികച്ച ഡെർബികളിലൊന്നായ കൊൽക്കത്തൻ ഡെർബി ഇന്ന് ഐഎസ്എല്ലിൽ അരങ്ങേറും. ഇതാദ്യമായാണ് ഈസ്റ്റ് ബംഗാളും മോഹൻ ബഗാനും തമ്മിൽ ഐഎസ്എല്ലിൽ കൊമ്പുകോർക്കുന്നത്. മോഹൻ ബഗാൻ എടികെയിൽ ലയിച്ചിട്ടുണ്ട്. ആദ്യ മത്സരത്തിൽ കേരള ബ്ലാസ്റ്റേഴ്‌സിനെ കീഴടക്കിയാണ് എടികെ മോഹൻ ബഗാനിന്റെ വരവെങ്കിൽ ഐഎസ്എല്ലിലെ ആദ്യ മത്സരത്തിനാണ് ഈസ്റ്റ് ബംഗാൾ ഒരുങ്ങുന്നത്. ഇന്ന് രാത്രി ഇന്ത്യൻ സമയം 7.30-നാണ് മത്സരം നടക്കുക.

ഇരുടീമുകളുടെയും സാധ്യത ലൈനപ്പുകൾ നൽകുന്നു..

ഈസ്റ്റ് ബംഗാൾ – 4-3-3

ശങ്കർ
നാരായൺ, ഗുർടെജ്, ഫോക്സ്, സ്ക്കോട്ട്
ലിങ്ദോ, സ്റ്റെയിൻമാൻ, റഫീഖ്
മഗ്ഹോമ, ബൽവന്ത്, പിൽകിങ്ടൺ

എടികെ മോഹൻ ബഗാൻ (3-5-2)

അരീന്ദം
ജിങ്കൻ, ടിരി, കോട്ടാൽ
ബോസ്, മക്ഹ്യൂഗ്, ഹാൽദെർ, ഹാവി, പ്രബീർ
ഗാർഷ്യ, കൃഷ്ണ

കഴിഞ്ഞ മത്സരത്തിൽ പരിക്കേറ്റ സൂസൈരാജിനെ എടികെ മോഹൻ ബഗാന് നഷ്ടമായിട്ടുണ്ട്. പകരം സുബാഷിശ് ബോസാണ് ആദ്യഇലവനിൽ സ്ഥാനം നേടുക. ഏതായാലും ഐഎസ്എല്ലിലെ ആദ്യ കൊൽക്കത്തൻ ഡെർബി ആര് സ്വന്തമാക്കും എന്ന ആകാംക്ഷയിലാണ് ഇന്ത്യൻ ഫുട്ബോൾ ആരാധകർ.