സിയച്ച് പരാജയപ്പെട്ടു,സിറ്റി സൂപ്പർ താരത്തെ പൊക്കാൻ ക്രിസ്റ്റ്യാനോയുടെ അൽ നസ്ർ!

കഴിഞ്ഞ ജനുവരി ട്രാൻസ്ഫർ ജാലകത്തിൽ സൂപ്പർ താരം ക്രിസ്റ്റ്യാനോ റൊണാൾഡോയെ സ്വന്തമാക്കിയ അൽ നസ്ർ ഈ ട്രാൻസ്ഫർ ജാലകത്തിലും നിരവധി താരങ്ങളെ ലക്ഷ്യമിടുന്നുണ്ട്. ചെൽസിയുടെ മൊറോക്കൻ സൂപ്പർതാരമായ ഹാക്കിം സിയച്ചിനെ സ്വന്തമാക്കുന്നതിന്റെ തൊട്ടരികിൽ എത്താൻ അൽ നസ്റിന് സാധിക്കുകയായിരുന്നു. എന്നാൽ സിയച്ച് മെഡിക്കലിൽ പരാജയപ്പെട്ടു.അദ്ദേഹത്തിന് രണ്ട് പരുക്കുകൾ കണ്ടെത്തുകയായിരുന്നു. ഇതോടുകൂടി നിലവിൽ ആ നീക്കം നിലച്ചിട്ടുണ്ട്.

പക്ഷേ അൽ നസ്റിന് സൂപ്പർ താരങ്ങളെ ഇപ്പോൾ അത്യാവശ്യമാണ്.സിയച്ചിന്റെ കാര്യം സംശയത്തിലായതോടെ അൽ നസ്ർ ശ്രദ്ധ കേന്ദ്രീകരിച്ചിരിക്കുന്നത് മാഞ്ചസ്റ്റർ സിറ്റിയുടെ സൂപ്പർതാരമായ ബെർണാഡോ സിൽവയിലാണ്.ക്രിസ്റ്റ്യാനോ റൊണാൾഡോയുടെ പോർച്ചുഗീസ് സഹതാരമായ സിൽവയെ സ്വന്തമാക്കാൻ അൽ നസ്റിന് താല്പര്യമുണ്ട് എന്നുള്ള കാര്യം ഗോൾ ഡോട്ട് കോം സ്ഥിരീകരിച്ചിട്ടുണ്ട്.

സിൽവ മാഞ്ചസ്റ്റർ സിറ്റി എന്ന റൂമറുകൾ സജീവമാണ്. എഫ് സി ബാഴ്സലോണ,പിഎസ്ജി എന്നിവർക്ക് ഈ താരത്തിൽ താല്പര്യമുണ്ട്. പക്ഷേ സിൽവ സൗദിയിലേക്ക് വരാൻ തയ്യാറാകുമോ എന്നത് കണ്ടറിയേണ്ട കാര്യമാണ്.ഇപ്പോഴും തകർപ്പൻ പ്രകടനമാണ് സിൽവ നടത്തിക്കൊണ്ടിരിക്കുന്നത്. കഴിഞ്ഞ സീസണിൽ മൂന്ന് കിരീടങ്ങൾ സിറ്റിക്ക് നേടി കൊടുക്കുന്നതിൽ വലിയ പങ്കാണ് ഈ മിഡ്ഫീൽഡർ വഹിച്ചിട്ടുള്ളത്.

അതേസമയം സിയച്ച് ട്രാൻസ്ഫർ പൂർണമായും പരാജയപ്പെട്ടിട്ടില്ല.കഴിഞ്ഞദിവസം മാഡ്രിഡിൽ വെച്ച് ഒരു മെഡിക്കൽ കൂടി അദ്ദേഹം നടത്തുകയും ചില ശുഭ സൂചനകൾ കാണുകയും ചെയ്തിട്ടുണ്ട്. എന്നിരുന്നാലും ചെൽസിയോട് വില കുറക്കാൻ അൽ നസ്ർ ആവശ്യപ്പെടും.മാത്രമല്ല കോൺട്രാക്ടിൽ ഇഞ്ചുറി ക്ലോസുകൾ വെക്കാനും സാധ്യതയുണ്ട്. ഇങ്ങനെയൊക്കെ സംഭവിക്കുകയാണെങ്കിൽ സിയച്ച് അൽ നസ്‌റിൽ എത്താൻ തന്നെയാണ് സാധ്യത.