മാസ്മരിക ഫോം തുടർന്ന് ക്രിസ്റ്റ്യാനോ,അൽ നസ്റിന്റെ പരാജയമറിയാത്ത കുതിപ്പ് തുടരുന്നു.

ക്രിസ്റ്റ്യാനോ റൊണാൾഡോ ഈ സീസണിൽ തകർപ്പൻ ഫോമിലാണ് കളിക്കുന്നത്.ആ ഫോം ഇപ്പോഴും അദ്ദേഹം തുടർന്നുകൊണ്ടിരിക്കുകയാണ്. ഇന്നലെ നടന്ന മത്സരത്തിൽ റൊണാൾഡോയുടെ ക്ലബ്ബായ അൽ നസ്ർ അൽ ഖലീജിനെ പരാജയപ്പെടുത്തിയിട്ടുണ്ട്. എതിരില്ലാത്ത രണ്ട് ഗോളുകൾക്കായിരുന്നു അൽ നസ്റിന്റെ വിജയം.

റൊണാൾഡോ തന്നെയാണ് പതിവുപോലെ ഈ മത്സരത്തിലും തിളങ്ങിയത്.ഒരു ഗോളും ഒരു അസിസ്റ്റും ആണ് റൊണാൾഡോ നേടിയത്. മത്സരത്തിന്റെ 26 മിനിട്ടിൽ തകർപ്പൻ ഷോട്ടിലൂടെയാണ് റൊണാൾഡോ വല കുലുക്കിയത്. പിന്നീട് 58 മിനിറ്റിൽ സൂപ്പർ താരം അയ്മറിക്ക് ലപോർട്ടെ ഗോൾ കണ്ടെത്തുകയായിരുന്നു.ഈ ഗോളിന് അസിസ്റ്റ് റൊണാൾഡോയുടെ വകയായിരുന്നു. ഈ മത്സരത്തിലും വിജയം നേടിയതോടുകൂടി കഴിഞ്ഞ പതിനാറ് മത്സരങ്ങളിൽ ഒന്നിൽ പോലും അൽ നസ്ർ പരാജയപ്പെട്ടിട്ടില്ല എന്നത് കൂടി ചേർത്ത് വായിക്കേണ്ട ഒരു കാര്യമാണ്.

നിലവിൽ പോയിന്റ് പട്ടികയിൽ രണ്ടാം സ്ഥാനത്താണ് അൽ നസ്ർ ഉള്ളത്.ഒന്നാം സ്ഥാനത്ത് അൽ ഹിലാൽ ആണ് ഉള്ളത്.11 മത്സരങ്ങൾ സൗദി അറേബ്യൻ ലീഗിൽ കളിച്ച റൊണാൾഡോ 12 ഗോളുകളും 7 അസിസ്റ്റുകളും നേടിയിട്ടുണ്ട്. അതായത് 19 ഗോളുകളിൽ പങ്കാളിത്തം വഹിച്ചു കഴിഞ്ഞു.