ഗോളും അസിസ്റ്റും,ക്രിസ്റ്റ്യാനോ പൊളിച്ചടുക്കിയ മത്സരത്തിൽ അൽ നസ്റിന് വിജയം.

ഇന്നലെ സൗദി അറേബ്യൻ ലീഗിൽ നടന്ന മത്സരത്തിൽ ക്രിസ്റ്റ്യാനോ റൊണാൾഡോയുടെ ക്ലബ്ബായ അൽ നസ്ർ ഗംഭീര വിജയം സ്വന്തമാക്കിയിട്ടുണ്ട്. ഒന്നിനെതിരെ നാല് ഗോളുകൾക്കാണ് അൽ നസ്ർ അൽ റിയാദിനെ പരാജയപ്പെടുത്തിയത്.ക്രിസ്റ്റ്യാനോ റൊണാൾഡോ ഉൾപ്പെടെയുള്ള സൂപ്പർതാരങ്ങൾ തിളങ്ങിയതാണ് അൽ നസ്റിന് കാര്യങ്ങൾ കൂടുതൽ എളുപ്പമാക്കിയത്.

ക്രിസ്റ്റ്യാനോ റൊണാൾഡോ ഒരു ഗോളും ഒരു അസിസ്റ്റം സ്വന്തമാക്കിയപ്പോൾ ടാലിസ്ക്ക ഇരട്ട ഗോളുകൾ നേടുകയായിരുന്നു. അതേസമയം സാഡിയോ മാനേ രണ്ട് അസിസ്റ്റുകൾ മത്സരത്തിൽ കരസ്ഥമാക്കിയിട്ടുണ്ട്. മത്സരത്തിന്റെ 33 മിനിറ്റിൽ റൊണാൾഡോയാണ് അൽ നസ്റിന് ആദ്യ ഗോൾ നേടി കൊടുത്തത്. ആദ്യപകുതിയുടെ അവസാനത്തിൽ റൊണാൾഡോയുടെ അസിസ്റ്റിൽ ഒട്ടാവിയോ ഗോൾ കണ്ടെത്തുകയായിരുന്നു.

രണ്ടാം പകുതിയിൽ ടാലിസ്ക്ക ഇരട്ട ഗോളുകൾ നേടിയതോടെ ഈ ക്ലബ് വിജയം ഉറപ്പിച്ചു. നിലവിൽ പോയിന്റ് പട്ടികയിൽ രണ്ടാം സ്ഥാനത്താണ് അൽ നസ്ർ ഉള്ളത്.തകർപ്പൻ പ്രകടനമാണ് റൊണാൾഡോ ഈ സീസണിലും പുറത്തെടുക്കുന്നത്. ആകെ 15 മത്സരങ്ങൾ കളിച്ചതാരം 16 ഗോളുകളും എട്ട് അസിസ്റ്റുകളും സൗദി ലീഗിൽ മാത്രമായി കൊണ്ട് നേടിയിട്ടുണ്ട്.