ക്രിസ്റ്റ്യാനോയുടെ 39ആം ജന്മദിനം, വിപുലമായി ആഘോഷിച്ച് അൽ നസ്ർ!

സൂപ്പർ താരം ക്രിസ്റ്റ്യാനോ റൊണാൾഡോ കഴിഞ്ഞ ദിവസമായിരുന്നു തന്റെ 39ആം ജന്മദിനം ആഘോഷിച്ചിരുന്നത്. ഫുട്ബോൾ ചരിത്രത്തിലെ എക്കാലത്തെയും മികച്ച താരങ്ങളിൽ ഒരാളായിക്കൊണ്ട് വിലയിരുത്തപ്പെടുന്ന ക്രിസ്റ്റ്യാനോയുടെ ജന്മദിനം ലോകമെമ്പാടുമുള്ള ആരാധകർ ആഘോഷിച്ചിരുന്നു. നിലവിൽ സൗദി അറേബ്യൻ ക്ലബ്ബായ അൽ നസ്റിനോടൊപ്പമാണ് ക്രിസ്റ്റ്യാനോ റൊണാൾഡോയുള്ളത്. വിപുലമായ രീതിയിൽ തന്നെ അവർ റൊണാൾഡോയുടെ ജന്മദിനം ആഘോഷിച്ചിട്ടുണ്ട്.

ക്രിസ്റ്റ്യാനോയുടെ ഒരു സ്പെഷ്യൽ വീഡിയോ അവർ പബ്ലിഷ് ചെയ്തിരുന്നു. അതായത് 39 തവണ അൽ നസ്ർ ജേഴ്സിയിൽ റൊണാൾഡോ തന്റെ Suii സെലിബ്രേഷൻ നടത്തുന്നതിന്റെ വീഡിയോയാണ് അവർ പുറത്ത് വിട്ടിട്ടുള്ളത്. മാത്രമല്ല ട്രെയിനിങ് ക്യാമ്പിൽ വച്ചുകൊണ്ട് ക്രിസ്റ്റ്യാനോ റൊണാൾഡോ ബർത്ത് ഡേ കേക്ക് മുറിച്ചു കൊണ്ട് ആഘോഷിക്കുകയും ചെയ്തിട്ടുണ്ട്.

അതിന്റെ വീഡിയോയും അൽ നസ്ർ പബ്ലിഷ് ചെയ്തിട്ടുണ്ട്.GOAT ന്റെ ബർത്ത് ഡേ ആഘോഷിക്കുന്നു എന്നാണ് അവർ ക്യാപ്ഷനായി കൊണ്ട് നൽകിയിട്ടുള്ളത്. മാത്രമല്ല റൊണാൾഡോയുടെ ട്രെയിനിങ്ങിലെ ചിത്രങ്ങളും അവർ പങ്കുവെച്ചിട്ടുണ്ട്. തന്റെ ബർത്ത് ഡേ എങ്ങനെ പൊളിച്ചടുക്കണമെന്ന് GOAT ന് അറിയാം എന്നാണ് അതിന്റെ ക്യാപ്ഷനായി കൊണ്ട് അവർ നൽകിയിട്ടുള്ളത്. ഇങ്ങനെ റൊണാൾഡോയുടെ ബർത്ത് ഡേ മികച്ച രൂപത്തിൽ ആഘോഷിക്കുകയാണ് അൽ നസ്ർ ചെയ്തിട്ടുള്ളത്.

അതേസമയം ശ്രദ്ധേയമായ മറ്റൊരു കാര്യം ടാലിസ്‌ക്കയുടെ മകന്റെ ആശംസയാണ്.ക്രിസ്റ്റ്യാനോ റൊണാൾഡോയുടെ വലിയ ആരാധകനാണ് ടാലിസ്ക്കയുടെ മോൻ.ക്രിസ്റ്റ്യാനോയുടെ Suii സെലിബ്രേഷൻ നടത്തി കൊണ്ടാണ് ടാലിസ്ക്കയുടെ മോൻ ആശംസകൾ നേർന്നിട്ടുള്ളത്. ദൈവം നിങ്ങളെ സംരക്ഷിക്കട്ടെ എന്നും കൂട്ടിച്ചേർത്തിട്ടുണ്ട്. ഫുട്ബോൾ ലോകത്തിന്റെ നാനാഭാഗത്തുനിന്നും ക്രിസ്റ്റ്യാനോ റൊണാൾഡോക്ക് ആശംസകൾ ലഭിച്ചിട്ടുണ്ട്.