കളി ജയിച്ചില്ല,കലിപ്പിലായി CR7.

ഇന്നലെ സൗദി അറേബ്യൻ ലീഗിൽ നടന്ന മത്സരത്തിൽ അൽ നസ്റിന്റെ എതിരാളികൾ അൽ ഫെയ്‌ഹ ആയിരുന്നു.കിരീടത്തിലേക്ക് കുതിക്കണമെങ്കിൽ ഈ മത്സരത്തിൽ ക്ലബ്ബിന് വിജയം അനിവാര്യമായിരുന്നു. എന്നാൽ ഈ മത്സരത്തിൽ വിജയം നേടാൻ അൽ നസ്റിന് സാധിക്കാതെ പോവുകയായിരുന്നു.

ഗോൾ രഹിത സമനിലയായിരുന്നു ഈ മത്സരത്തിലെ ഫലം.സൂപ്പർ താരം ക്രിസ്റ്റ്യാനോ റൊണാൾഡോ അൽ നസ്റിൽ ഉണ്ടായിരുന്നുവെങ്കിലും അദ്ദേഹത്തിന് ഗോളുകൾ ഒന്നും നേടാൻ കഴിഞ്ഞിരുന്നില്ല. മാത്രമല്ല ടീമിന് വിജയിക്കാൻ ആകാതെ പോയതും അദ്ദേഹത്തിന് നിരാശ സമ്മാനിച്ച കാര്യമായിരുന്നു.

ആ നിരാശ അദ്ദേഹം ദേഷ്യത്തിന്റെ രൂപത്തിൽ പ്രകടിപ്പിച്ചിട്ടുണ്ട്. മത്സരശേഷം കളിക്കളം വിട്ട് ടണലിലേക്ക് പോകുന്ന സമയത്ത് എതിർ താരങ്ങളോട് വളരെയധികം ദേഷ്യപ്പെടുന്ന റൊണാൾഡോയെയാണ് നമുക്ക് കാണാൻ കഴിയുക. മത്സരം വിജയിക്കാൻ സാധിക്കാത്തതിലും തനിക്ക് ഗോളടിക്കാൻ കഴിയാത്തതിലും ക്രിസ്റ്റ്യാനോ വളരെയധികം നിരാശനായിരുന്നു.

ഈ മത്സരത്തിലെ സമനില അൽ നസ്റിന് വലിയ തിരിച്ചടിയാണ് നൽകിയിരിക്കുന്നത്. ഒന്നാം സ്ഥാനത്തുള്ള അൽ ഇത്തിഹാദിനേക്കാൾ 3 പോയിന്റ് പിന്നിലാണ് നിലവിൽ അൽ നസ്ർ ഉള്ളത്. 23 മത്സരങ്ങളിൽ നിന്ന് 56 പോയിന്റ് ആണ് അൽ ഇത്തിഹാദിന് ഉള്ളതെങ്കിൽ ഇത്രയും മത്സരങ്ങളിൽ നിന്ന് 53 പോയിന്റ് ആണ് അൽ നസ്റിന് ഉള്ളത്.