ഒഫീഷ്യൽ: കരിം ബെൻസിമ ഇനി ഇത്തിഹാദിൽ!

കഴിഞ്ഞ ദിവസമായിരുന്നു സൂപ്പർ താരം കരിം ബെൻസിമ റയൽ മാഡ്രിഡിനോട് വിട പറഞ്ഞത്. താരത്തിന് ഒരു യാത്രയയപ്പ് ചടങ്ങ് ഇന്നലെ റയൽ മാഡ്രിഡ് നൽകിയിരുന്നു. അതിനു പിന്നാലെ ഒരു ഒഫീഷ്യൽ പ്രഖ്യാപനം സൗദി അറേബ്യൻ ക്ലബ്ബായ അൽ ഇത്തിഹാദ് നടത്തിയിട്ടുണ്ട്. കരീം ബെൻസിമയെ തങ്ങൾ സ്വന്തമാക്കിയ വിവരമാണ് ഈ സൗദി ക്ലബ്ബ് പങ്കുവെച്ചിട്ടുള്ളത്.

2026 വരെയുള്ള ഒരു കോൺട്രാക്ടിലാണ് ബെൻസിമ ഒപ്പു വെച്ചിട്ടുള്ളത്. ഒരു സീസണിൽ 200 മില്യൻ യൂറോ എന്ന ഭീമമായ സാലറിയാണ് ബെൻസിമക്ക് ലഭിക്കുക. അതായത് മൂന്ന് വർഷത്തെ കോൺട്രാക്ടിൽ 600 മില്യൺ യൂറോയോളം സാലറിയായി കൊണ്ട് സ്വന്തമാക്കാൻ ബെൻസിമക്ക് സാധിക്കും.

ഈ സീസണിലെ സൗദി അറേബ്യൻ പ്രൊ ലീഗ് കിരീടം അൽ ഇത്തിഹാദ് ആയിരുന്നു സ്വന്തമാക്കിയിരുന്നത്.ബെൻസിമയുടെ വരവോടുകൂടി അവർ കൂടുതൽ ശക്തരായി മാറും. നിലവിൽ തകർപ്പൻ ഫോമിൽ കളിക്കുന്ന ബെൻസിമ ഇത്തിഹാദിലും ആ മികവ് തുടരുമെന്നാണ് പ്രതീക്ഷിക്കപ്പെടുന്നത്.ക്രിസ്റ്റ്യാനോ റൊണാൾഡോയും ബെൻസിമയും സൗദിയിൽ നേർക്കുനേർ വരുന്നു എന്നുള്ളതും ആരാധകർക്ക് ആവേശമുണ്ടാക്കുന്ന കാര്യമാണ്.

കൂടുതൽ താരങ്ങൾ സൗദിയിലേക്ക് എത്തും എന്നുള്ള റൂമറുകൾ സജീവമാണ്. ചെൽസിയുടെ ഫ്രഞ്ച് സൂപ്പർതാരമായ കാന്റെ സൗദിയിലേക്ക് എത്താനുള്ള സാധ്യതകൾ വർദ്ധിച്ചുവരികയാണ്.