അർജന്റീന താരത്തിനും കൊറോണ സ്ഥിരീകരിച്ചു

ഫുട്ബോൾ ലോകത്ത് കൊറോണ പിടിപ്പെട്ടവരുടെ എണ്ണം വർധിക്കുന്നു. ഇപ്പോഴിതാ ഫിയോറെന്റീന അവരുടെ രണ്ട് താരങ്ങൾക്കും കൂടി കൊറോണ സ്ഥിരീകരിച്ചു. ഫിയോറെന്റീന താരങ്ങളായ ജർമൻ പെസല്ലേ, പാട്രിക് കുട്രോണെ എന്നിവരുടെ കൊറോണ പരിശോധനഫലമാണ് പോസിറ്റീവ് ആയത്. ഇതിന് മുൻപ് ഒരു ഫിയോറെന്റീന താരത്തിന് കൊറോണ സ്ഥിരീകരിച്ചിരുന്നു.

അർജന്റീന ദേശിയ ടീമിലെ പ്രതിരോധനിരതാരമാണ് ജർമൻ പെസല്ല. ഈ രണ്ട് താരങ്ങളെ കൂടാതെ ഫിയോറെന്റീനയുടെ ഫിസിയോതെറാപ്പിസ്റ്റ് സ്‌റ്റെഫാനോ ഡെയ്നെല്ലിക്കും കൊറോണ സ്ഥിരീകരിച്ചിട്ടുണ്ട്. ഫിയോറെന്റീന അവരുടെ ട്വിറ്ററിൽ കുറിച്ച പ്രസ്താവനയിലാണ് ഇക്കാര്യം വ്യക്തമാക്കിയത്. എന്നാൽ ഭയപ്പെടാനില്ലെന്നും എല്ലാവരും വലിയ ആരോഗ്യപ്രശ്നങ്ങൾ ഇല്ലാതെ വീട്ടിൽ ചികിത്സയിലാണ് എന്നും പ്രസ്താവനയിൽ പറയുന്നു.