ബാഴ്സലോണയ്ക്ക് തിരിച്ചടി: യുവതാരത്തിന് ഗുരുതര ഇൻജുറി, മാസങ്ങളോളം കളിക്കളത്തിന് പുറത്ത്
സ്പാനിഷ് വമ്പന്മാരായ എഫ്.സി ബാഴ്സലോണയുടെ സ്വീഡിഷ് യുവ വിങ്ങർ റൂണി ബർദ്ഘ്ജിക്ക് ഗുരുതര പരിക്കേറ്റ് മാസങ്ങളോളം പുറത്തിരിക്കേണ്ടി വരുമെന്ന് റിപ്പോർട്ട്.
പരിശീലനത്തിനിടെ താരത്തിന്റെ കാൽമുട്ടിന് ഏസിഎൽ (ACL – Anterior Cruciate Ligament) പരിക്കേറ്റതായാണ് വിവരങ്ങൾ. താരത്തിന് പരിക്കിനോടനുബന്ധിച്ച് 6 മാസം മുതൽ 7 മാസം വരെ പുറത്തിരിക്കേണ്ടി വരും.
ടീമിൽ കൂടുതൽ പ്ലേയിംഗ് ടൈം ലഭിക്കുന്നതിനായി ഈ ട്രാൻസ്ഫർ ജാലകത്തിൽ ലോണിൽ മറ്റൊരു ക്ലബ്ബിലേക്ക് പോകാൻ തയ്യാറെടുക്കവേയാണ് താരത്തിന് ഈ അപ്രതീക്ഷിത തിരിച്ചടി നേരിട്ടത്.
കരിയറിലെ സുപ്രധാനമായ ഘട്ടത്തിൽ നേരിട്ട ഈ വൻ തിരിച്ചടി താരത്തിന്റെ മുന്നോട്ടുള്ള യാത്രയ്ക്ക് വലിയ തിരിച്ചടിയാണ്. നിലവിൽ മെഡിക്കൽ സംഘത്തിന്റെ നിരീക്ഷണത്തിലുള്ള താരം ഉടൻ തന്നെ ശസ്ത്രക്രിയയ്ക്ക് വിധേയനാകുമെന്നാണ് കരുതപ്പെടുന്നത്.
