FIFA World Cup 2026 Power Ranking

    2026 ഫിഫ ലോകകപ്പിന് ഇനി ദിവസങ്ങളുടെ മാത്രം ദൂരം. 48 ടീമുകൾ മാറ്റുരയ്ക്കുന്ന ചരിത്രത്തിലെ ഏറ്റവും വലിയ ഈ ഫുട്ബോൾ മാമാങ്കത്തിൽ ആരാകും കിരീടം ഉയർത്തുക എന്ന ചർച്ചകൾ ഫുട്ബോൾ ലോകത്ത് സജീവമായിക്കഴിഞ്ഞു. 15 ടീമുകളുടെ പവർറാങ്കിംഗ് താഴെ നൽകുന്നു.
1. സ്പെയിൻ (Spain) — ഒന്നാം സ്ഥാനത്ത് ലക്ഷ്യം പിഴയ്ക്കാത്ത ‘ലാ റോഹ’ നിലവിലെ പവർ റാങ്കിങ്ങുകളിലും പ്രവചനങ്ങളിലും ഒന്നാം സ്ഥാനത്ത് നിൽക്കുന്നത് സ്പെയിനാണ്. ഒപ്റ്റാ സൂപ്പർ കമ്പ്യൂട്ടർ മോഡൽ പ്രകാരം ഏകദേശം 16.08% കിരീടസാധ്യതയാണ് സ്പെയിന് കൽപ്പിക്കപ്പെടുന്നത്. ലമീൻ യമാൽ, പെഡ്രി, റോഡ്രി തുടങ്ങിയ യുവനിരയുടെയും പരിചയസമ്പന്നരുടെയും മികച്ച ഫോമും, അവരുടെ ടാക്റ്റിക്കൽ ഒത്തിണക്കവുമാണ് സ്പെയിനെ ഈ ലോകകപ്പിലെ ഏറ്റവും അപകടകാരികളായ ടീമാക്കുന്നത്.

2. ഫ്രാൻസ് (France) — എംബാപ്പെയുടെ കരുത്തിൽ ‘ലെ ബ്ലൂസ്’
ഏറ്റവും ശക്തമായ സ്ക്വാഡ് ഡെപ്ത് ഉള്ള ടീമുകളിൽ ഒന്നാണ് ഫ്രാൻസ്. 12.78% സാധ്യതയുമായി പവർ റാങ്കിങ്ങിൽ രണ്ടാം സ്ഥാനത്താണ് അവർ. കിലിയൻ എംബാപ്പെ നയിക്കുന്ന ഫ്രഞ്ച് പട ഏത് പ്രതിരോധത്തെയും തകർക്കാൻ കെൽപ്പുള്ളവരാണ്. 2018-ലെ ചാമ്പ്യന്മാരും 2022-ലെ റണ്ണേഴ്സ് അപ്പുമായ ഫ്രാൻസ്, കോച്ച് ദിദിയെ ദെഷാംപ്സിന് ഒരു ലോകകപ്പ് കിരീടത്തോടെ യാത്രയയപ്പ് നൽകാനാകും ഇത്തവണ ഇറങ്ങുക.


3. ഇംഗ്ലണ്ട് (England) — കാത്തിരിപ്പ് അവസാനിപ്പിക്കാൻ ‘ത്രീ ലയൺസ്’
തുടർച്ചയായ വലിയ ടൂർണമെന്റുകളിൽ ഫൈനലിലും സെമിയിലും എത്തി കാലിടറിയ ഇംഗ്ലണ്ട് ഇത്തവണ ശക്തമായ കിരീടസാധ്യതയുള്ള ടീമാണ് (11.01%). ജൂഡ് ബെല്ലിങ്ഹാം, ഹാരി കെയ്ൻ തുടങ്ങിയ ലോകോത്തര താരങ്ങളുടെ സാന്നിധ്യം ഇംഗ്ലണ്ടിന് കരുത്താകുന്നു. ഇത്തവണ 1966-ന് ശേഷമുള്ള തങ്ങളുടെ കിരീട വരൾച്ച അവസാനിപ്പിക്കാൻ അവർക്ക് സാധിക്കുമെന്നാണ് ആരാധകരുടെ പ്രതീക്ഷ.


4. അർജന്റീന (Argentina) — കിരീടം നിലനിർത്താൻ മെസ്സിയും സംഘവും
നിലവിലെ ലോക ചാമ്പ്യന്മാരായ അർജന്റീന പവർ റാങ്കിങ്ങിൽ നാലാം സ്ഥാനത്താണ് (ഏകദേശം 10.02% സാധ്യത). ലയണൽ മെസ്സിയുടെ സാന്നിധ്യവും ടീമിന്റെ ഒത്തൊരുമയും തന്നെയാണ് അർജന്റീനയുടെ പ്രധാന ഊർജ്ജം. വെറ്ററൻ താരങ്ങളും യുവനിരയും തമ്മിലുള്ള കൃത്യമായ ബാലൻസും മികച്ച പ്രതിരോധവും അർജന്റീനയെ വീണ്ടുമൊരു കിരീടപോരാട്ടത്തിലേക്ക് നയിക്കാൻ പര്യാപ്തമാണ്.


5. ബ്രസീലും 6.പോർച്ചുഗലും (Brazil & Portugal)
ആറാം ലോകകിരീടം ലക്ഷ്യമിട്ടിറങ്ങുന്ന ബ്രസീലും, ക്രിസ്റ്റ്യാനോ റൊണാൾഡോയുടെ അവസാന ലോകകപ്പാകാൻ സാധ്യതയുള്ള പോർച്ചുഗലും തൊട്ടുപിന്നാലെയുണ്ട്. വിനീഷ്യസ് ജൂനിയറിന്റെ ഫോമിലാണ് ബ്രസീലിന്റെ പ്രതീക്ഷകൾ. മറുവശത്ത്, മികച്ച മിഡ്ഫീൽഡർമാരും യുവതാരങ്ങളുമായി ഏറ്റവും ബാലൻസ്ഡ് ആയ സ്ക്വാഡുമായാണ് പോർച്ചുഗൽ എത്തുന്നത്.
ബാക്കിയുള്ള ടീമുകളുടെ power Ranking താഴെ നൽകുന്നു.
7. Germany
8. Netherlands
9. Morocco
10. Norway
11. Belgium
12. Colombia
13. Senegal
14. Creatia
15. Japan