മെസ്സി..മെസ്സി..ക്രിസ്റ്റ്യാനോക്ക് എവിടെയും രക്ഷയില്ല!

ഇന്നലെ സൗദി അറേബ്യൻ ലീഗിൽ നടന്ന ആദ്യ റൗണ്ട് പോരാട്ടത്തിൽ ക്രിസ്റ്റ്യാനോ റൊണാൾഡോയുടെ ക്ലബ്ബായ അൽ നസ്റിന് സമനില വഴങ്ങേണ്ടി വന്നിരുന്നു.1-1 എന്ന സ്കോറിനാണ് അവരെ അൽ റെയ്ദ് സമനിലയിൽ തളച്ചത്. മത്സരത്തിന്റെ 34ആം മിനിറ്റിൽ ക്രിസ്റ്റ്യാനോ റൊണാൾഡോ അൽ നസ്റിന് ലീഡ് നേടിക്കൊടുക്കുകയായിരുന്നു.മാനെയുടെ അസിസ്റ്റിൽ നിന്നും ഹെഡറിലൂടെയായിരുന്നു താരത്തിന്റെ ഗോൾ പിറന്നിരുന്നത്. എന്നാൽ 49 മിനിറ്റിൽ പെനാൽറ്റി ഗോളിലൂടെ അൽ റെയ്ദ് ഒപ്പമെത്തുകയും ചെയ്തു.

മത്സരത്തിൽ ക്രിസ്റ്റ്യാനോ റൊണാൾഡോ മറ്റൊരു ഗോൾ കൂടി നേടിയിരുന്നു.അദ്ദേഹം തന്റെ സ്വതസിദ്ധമായ ശൈലിയിൽ ആഘോഷം നടത്തുകയും ചെയ്തു. പക്ഷേ അത് റഫറി അത് ഓഫ് സൈഡ് വിധിക്കുകയും ഗോൾ നിഷേധിക്കുകയും ചെയ്തു.ഇക്കാര്യത്തിൽ വിവാദങ്ങൾ ഇപ്പോൾ നിലനിൽക്കുന്നുണ്ട്. എന്നാൽ ഗോൾ നിഷേധിച്ചതിന് പിന്നാലെ അൽ റെയ്ദ് ആരാധകർ റൊണാൾഡോയെ പരിഹസിക്കുകയായിരുന്നു.

മറ്റൊന്നുമല്ല,മെസ്സിയുടെ പേര് ചാന്റ് ചെയ്തു കൊണ്ടാണ് എതിർ ആരാധകർ റൊണാൾഡോയെ പ്രകോപിപ്പിച്ചിട്ടുള്ളത്.അൽ നസ്റിന്റെ മൈതാനത്ത് വച്ചുകൊണ്ടായിരുന്നു മത്സരം നടന്നിരുന്നത്. എന്നാൽ അൽ നസ്റിന്റെ ഭൂരിഭാഗം വരുന്ന ആരാധകരും ഈ മത്സരം ബഹിഷ്കരിച്ചിരുന്നു.പക്ഷേ അൽ റെയ്ദ് ആരാധകർ മെസ്സി ചാന്റുകളുമായി അവിടെ സജീവമാവുകയായിരുന്നു.

ക്രിസ്റ്റ്യാനോ റൊണാൾഡോക്ക് പലപ്പോഴും ഇപ്പോൾ സൗദിയിൽ നിന്നും മെസ്സി ചാന്റുകൾ നേരിടേണ്ടി വരുന്നുണ്ട്. കഴിഞ്ഞ സൂപ്പർ കപ്പ് ഫൈനൽ മത്സരത്തിൽ അൽ ഹിലാൽ ഗംഭീര വിജയം നേടിയിരുന്നു. ഈ മത്സരത്തിനിടയിലും റൊണാൾഡോയെ അൽ ഹിലാൽ ആരാധകർ പ്രകോപിപ്പിച്ചിട്ടുണ്ട്. എന്നിരുന്നാലും സീസണിൽ മികച്ച ഒരു തുടക്കം തന്നെയാണ് താരത്തിന് ലഭിച്ചിട്ടുള്ളത്. രണ്ട് മത്സരങ്ങളിൽ നിന്ന് രണ്ട് ഗോളുകൾ റൊണാൾഡോ നേടി കഴിഞ്ഞു.