മാഞ്ചസ്റ്റർ സിറ്റിയുടെ 2 താരങ്ങളെ സ്വന്തമാക്കാൻ അൽ ഹിലാൽ!
സൗദി അറേബ്യൻ വമ്പൻമാരായ അൽ ഹിലാൽ നിലവിൽ തകർപ്പൻ ഫോമിലാണ് കളിച്ചുകൊണ്ടിരിക്കുന്നത്. കഴിഞ്ഞ സൂപ്പർ കപ്പ് ഫൈനലിൽ അൽ നസ്റിനെതിരെ തകർപ്പൻ വിജയം സ്വന്തമാക്കാൻ അവർക്ക് സാധിച്ചിരുന്നു. നിലവിൽ നിരവധി സൂപ്പർതാരങ്ങളാൽ സമ്പന്നമാണ് അൽ ഹിലാൽ.നെയ്മർ ജൂനിയർ ഉൾപ്പെടെയുള്ള പല പ്രധാനപ്പെട്ട താരങ്ങളും അവർക്ക് വേണ്ടിയാണ് കളിക്കുന്നത്.
എന്നാൽ കൂടുതൽ മികച്ച താരങ്ങളെ യൂറോപ്പിൽ നിന്നും കൊണ്ടുവരാനുള്ള അവരുടെ ശ്രമങ്ങൾ തുടരുകയാണ്. ഇപ്പോൾ വിങ്ങ് ബാക്ക് പൊസിഷനിലേക്ക് അവർക്ക് കൂടുതൽ താരങ്ങളെ വേണ്ടത്.നാല് താരങ്ങളെ അവർ ഷോർട്ട് ലിസ്റ്റ് ചെയ്തിരുന്നു.അതിൽ രണ്ടു താരങ്ങൾ മാഞ്ചസ്റ്റർ സിറ്റിയിൽ നിന്നുള്ളവരാണ്.കെയ്ൽ വാക്കർ,ജാവോ കാൻസെലോ എന്നിവരാണ് ആ രണ്ടു താരങ്ങൾ.ഇവരെ രണ്ടുപേരെയും സ്വന്തമാക്കാൻ ഈ സൗദി ക്ലബ്ബിന് താൽപര്യമുണ്ട്.
പക്ഷേ വാക്കറെ സ്വന്തമാക്കാൻ അൽ ഹിലാലിന് കഴിഞ്ഞേക്കില്ല. അദ്ദേഹം ഇപ്പോൾ സിറ്റി വിടാൻ താല്പര്യപ്പെടുന്നില്ല. നേരത്തെ ബയേൺ മ്യൂണിക്കിലേക്ക് പോവാൻ അദ്ദേഹം ശ്രമിച്ചിരുന്നുവെങ്കിലും അത് പരാജയപ്പെടുകയായിരുന്നു. പിന്നീട് 2026 വരെ അദ്ദേഹം മാഞ്ചസ്റ്റർ സിറ്റിയുമായി കോൺട്രാക്ട് പുതുക്കുകയും ചെയ്തു.
അതേസമയം കഴിഞ്ഞ സീസണിൽ ലോൺ അടിസ്ഥാനത്തിൽ ബാഴ്സലോണക്ക് വേണ്ടിയായിരുന്നു കാൻസെലോ കളിച്ചിരുന്നത്.ഇപ്പോൾ സിറ്റിയിലേക്ക് തന്നെ അദ്ദേഹം മടങ്ങിയെത്തിയിട്ടുണ്ട്. പക്ഷേ അദ്ദേഹം ക്ലബ്ബ് വിടാൻ തന്നെയാണ് സാധ്യതകൾ. ആകർഷകമായ ഓഫർ നൽകിയാൽ ഒരുപക്ഷേ കാൻസെലോ അൽ ഹിലാലിലേക്ക് എത്താനുള്ള സാധ്യതകളെ തള്ളിക്കളയാനാവില്ല. കൂടാതെ ലിവർപൂളിന്റെ അലക്സാണ്ടർ അർനോൾഡിനെ സ്വന്തമാക്കാൻ ഈ ക്ലബ്ബിനെ താല്പര്യമുണ്ടായിരുന്നു. എന്നാൽ സൗദിയിലേക്ക് വരാൻ താല്പര്യമില്ല എന്നുള്ള കാര്യം ഈ ലിവർപൂൾ താരം അറിയിക്കുകയായിരുന്നു.
കൂടാതെ ബയേർ ലെവർകൂസന്റെ ജെറമി ഫ്രിംപോങ്ങിനെയും ഇവർ ലിസ്റ്റിൽ ഉൾപ്പെടുത്തിയിട്ടുണ്ട്.പക്ഷേ അദ്ദേഹം യൂറോപ്പ് വിട്ട് വരുമോ എന്നുള്ളത് കാത്തിരുന്ന് കാണേണ്ട കാര്യമാണ്. മറ്റു പല ക്ലബ്ബുകൾക്കും താല്പര്യമുള്ള താരമാണ് ഫ്രിംപോങ്. ഏതായാലും വിങ്ങ് ബാക്ക് പൊസിഷനിൽ മികച്ച താരത്തെ എത്തിക്കുക എന്ന ലക്ഷ്യത്തോടുകൂടിയാണ് ഇപ്പോൾ ഈ സൗദി ക്ലബ്ബ് പ്രവർത്തിക്കുന്നത്.
