റയലും സിറ്റിയും നേർക്കുനേർ,UCL ക്വാർട്ടറിൽ തീപാറും പോരാട്ടങ്ങൾ!

യുവേഫ ചാമ്പ്യൻസ് ലീഗിന്റെ ക്വാർട്ടർ ഫൈനൽ നറുക്കെടുപ്പ് ഒരല്പം മുൻപ് അവസാനിച്ചു. കിടിലൻ പോരാട്ടങ്ങൾ തന്നെയാണ് ചാമ്പ്യൻസ് ലീഗ് ക്വാർട്ടർ ഫൈനലിൽ കാത്തിരിക്കുന്നത്. കഴിഞ്ഞ ചാമ്പ്യൻസ് ലീഗുകളിൽ പരസ്പരം ഏറ്റുമുട്ടിയ കരുത്തരായ മാഞ്ചസ്റ്റർ സിറ്റിയും റയൽ മാഡ്രിഡും ഒരിക്കൽ കൂടി മുഖാമുഖം വരുന്നു. ആരാധകർ ഏറ്റവും കൂടുതൽ കാത്തിരിക്കുന്ന ഒരു മത്സരം കൂടിയാണ് ഇത്.

മറ്റൊരു പ്രധാനപ്പെട്ട പോരാട്ടം വരുന്നത് ബാഴ്സലോണയുടെതാണ്. ബാഴ്സയും ഫ്രഞ്ച് കരുത്തരായ പിഎസ്ജിയും തമ്മിലാണ് ഏറ്റുമുട്ടുക. ഇതും തീപാറും പോരാട്ടം തന്നെയായിരിക്കും. അതുപോലെതന്നെ ജർമൻ കരുത്തരായ ബയേണിന്റെ എതിരാളികൾ ഇംഗ്ലീഷ് പ്രീമിയർ ലീഗ് വമ്പൻമാരായ ആഴ്സണലാണ്.ഈ മത്സരവും ആവേശഭരിതമായിരിക്കും എന്ന കാര്യത്തിൽ സംശയങ്ങൾ ഒന്നുമില്ല.

സ്പാനിഷ് കരുത്തരായ അത്ലറ്റിക്കോ മാഡ്രിഡിന്റെ എതിരാളികൾ വരുന്നത് ബോറൂസിയ ഡോർട്മുണ്ടാണ്. ചുരുക്കത്തിൽ എല്ലാ മത്സരങ്ങളും ആവേശഭരിതമായിരിക്കും. ഒരു കിടിലൻ ക്വാർട്ടർ ഫൈനൽ ലൈനപ്പ് തന്നെയാണ് ഇത്തവണ ലഭിച്ചിരിക്കുന്നത്. അപ്രവചനീയമായ മത്സരങ്ങളാണ് ഫുട്ബോൾ ആരാധകരെ കാത്തിരിക്കുന്നത്.