Siuuu : അപൂർവ്വ റെക്കോർഡിനോട് റിയാക്ട് ചെയ്ത് ക്രിസ്റ്റ്യാനോ റൊണാൾഡോ!

കഴിഞ്ഞ ദിവസമായിരുന്നു ക്രിസ്റ്റ്യാനോ റൊണാൾഡോയുടെ റെക്കോർഡ് ബുക്കിലേക്ക് ഒരു അപൂർവ്വ റെക്കോർഡ് ചേർക്കപ്പെട്ടത്. അതായത് ഗൂഗിളിന്റെ ചരിത്രത്തിൽ ഏറ്റവും കൂടുതൽ ആളുകൾ നിറഞ്ഞ കായിക താരം എന്ന റെക്കോർഡ് ക്രിസ്റ്റ്യാനോ റൊണാൾഡോയുടെ പേരിലാണ്. ഗൂഗിളിന്റെ 25 വർഷത്തിനിടെ ഏറ്റവും കൂടുതൽ ആളുകൾ സെർച്ച് ചെയ്തത് കായിക ലോകത്ത് നിന്നും റൊണാൾഡോയെയാണ്. ഗൂഗിൾ തന്നെയായിരുന്നു ഇക്കാര്യം ഒഫീഷ്യലായി കൊണ്ട് അറിയിച്ചിരുന്നത്.

ഈ വർഷത്തിന്റെ കാര്യത്തിലും ക്രിസ്റ്റ്യാനോ റൊണാൾഡോ തന്നെയായിരുന്നു ഒന്നാം സ്ഥാനം നേടിയിരുന്നത്. രണ്ടാം സ്ഥാനത്ത് നെയ്മർ ജൂനിയറും മൂന്നാം സ്ഥാനത്ത് ലയണൽ മെസ്സിയും എത്തിയിരുന്നു. ഏതായാലും ഈ അപൂർവ്വ റെക്കോർഡിനോട് ക്രിസ്റ്റ്യാനോ റൊണാൾഡോ തന്നെ റിയാക്ട് ചെയ്തിട്ടുണ്ട്.തന്റെ സാമൂഹിക മാധ്യമങ്ങളിൽ ഒരു വീഡിയോ ആണ് ക്രിസ്റ്റ്യാനോ റൊണാൾഡോ പോസ്റ്റ് ചെയ്തിട്ടുള്ളത്.ക്രിസ്റ്റ്യാനോയുടെ Siuuu സെലിബ്രേഷൻ പലരും അനുകരിക്കുന്നതിന്റെ ഒരു വീഡിയോയാണ് അദ്ദേഹം ഇറക്കിയിട്ടുള്ളത്.

മാത്രമല്ല റൊണാൾഡോ Siuuu സെലിബ്രേഷൻ ചെയ്യുന്നതിന്റെ ഒരു ആനിമേറ്റഡ് വീഡിയോ അതിലുണ്ട്,റൊണാൾഡോ ലൈവിനിടെ Siuuu എന്ന് പറയുന്ന ഒരു വീഡിയോ ക്ലിപ്പ് അതിൽ അവർ ഉൾപ്പെടുത്തിയിട്ടുണ്ട്. തന്റെ അപൂർവ്വമായ റെക്കോർഡ് ആഘോഷിക്കുകയാണ് ക്രിസ്റ്റ്യാനോ റൊണാൾഡോ ചെയ്തിട്ടുള്ളത്.

ഈ സീസണിലും തകർപ്പൻ പ്രകടനമാണ് ക്രിസ്റ്റ്യാനോ റൊണാൾഡോ ഇപ്പോൾ പുറത്തെടുക്കുന്നത്. ഈ വർഷം 50 ഗോളുകൾ പൂർത്തിയാക്കാൻ അദ്ദേഹത്തിന് കഴിഞ്ഞിരുന്നു. സൗദി അറേബ്യൻ ലീഗിൽ 15 മത്സരങ്ങൾ കളിച്ച താരം 16 ഗോളുകളും എട്ട് അസിസ്റ്റുകളും സ്വന്തമാക്കിയിട്ടുണ്ട്. ഇനി അടുത്ത മത്സരത്തിൽ അൽ ഇത്തിഫാക്കിനെയാണ് റൊണാൾഡോയും സംഘവും നേരിടുക.