റാഫീഞ്ഞയുടെ ദേഷ്യം, നല്ലതാണെന്ന് സാവി.

ഇന്നലെ ലാലിഗയിൽ നടന്ന മത്സരത്തിൽ വിജയിക്കാൻ ബാഴ്സലോണക്ക് സാധിച്ചിരുന്നില്ല.ഗിറ്റാഫെയായിരുന്നു ബാഴ്സയെ ഗോൾ രഹിത സമനിലയിൽ തളച്ചത്.തുടർച്ചയായ രണ്ടാം മത്സരത്തിലാണ് ബാഴ്സ ഗോൾ രഹിത സമനില വഴങ്ങുന്നത്. അതിനുമുൻപ് കോപ ഡെൽ റേയിൽ നടന്ന മത്സരത്തിൽ എതിരില്ലാത്ത നാലു ഗോളുകൾക്ക് റയലിനോട് ബാഴ്സ പരാജയപ്പെടുകയും ചെയ്തിരുന്നു.

തന്നെ കളിക്കളത്തിൽ നിന്നും പിൻവലിക്കുന്ന സമയത്ത് നിരാശ മൂലം ദേഷ്യം പ്രകടിപ്പിക്കുന്ന ഒരു താരമാണ് റാഫീഞ്ഞ.ഇന്നലത്തെ മത്സരത്തിലും അത് അദ്ദേഹം ആവർത്തിച്ചിരുന്നു. സൈഡ് ബെഞ്ചിലാണ് അദ്ദേഹം തന്റെ ദേഷ്യം പ്രകടിപ്പിക്കാനുള്ളത്.ഈ വിഷയത്തിൽ ബാഴ്സ പരിശീലകനായ സാവി തന്റെ പ്രതികരണം രേഖപ്പെടുത്തിയിട്ടുണ്ട്.റാഫീഞ്ഞയുടെ ദേഷ്യം നല്ലതാണ് എന്നുള്ളത് താൻ നേരത്തെ പറഞ്ഞതാണ് എന്നാണ് സാവി വ്യക്തമാക്കിയിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഞാൻ അതുമായി ബന്ധപ്പെട്ട് കൊണ്ട് റാഫീഞ്ഞയോട് സംസാരിച്ചിട്ടില്ല. ഞാൻ ഒരുപാട് തവണ പറഞ്ഞ കാര്യമാണ്,ദേഷ്യപ്പെടുന്നത് നല്ലതാണെന്ന്. ഇവിടെ ആറ്റിറ്റ്യൂഡിന്റെ അഭാവമോ ആഗ്രഹങ്ങളുടെ അഭാവമോ ഞാൻ കാണുന്നില്ല. അത്തരത്തിലുള്ള യാതൊരുവിധ പ്രശ്നങ്ങളും ഇല്ല “സാവി പറഞ്ഞു.

അവസാനമായി കളിച്ച മൂന്ന് മത്സരങ്ങളിലും വിജയം നേടാൻ സാധിക്കാതെ പോയത് ബാഴ്സക്ക് വലിയ നിരാശ നൽകുന്ന കാര്യമാണ്. ഇനി അടുത്ത മത്സരത്തിൽ വമ്പൻമാരായ അത്ലറ്റിക്കോ മാഡ്രിഡാണ് ബാഴ്സയുടെ എതിരാളികൾ.