ക്രിസ്റ്റ്യാനോയുടെ ഫ്രീകിക്ക് ഗോളുകളെല്ലാം ഭാഗ്യം കൊണ്ട് നേടിയത് :അഗ്വേറോ

ഫുട്ബോൾ വിരമിക്കൽ പ്രഖ്യാപിച്ച സെർജിയോ അഗ്വേറോ ഇപ്പോൾ സാമൂഹിക മാധ്യമങ്ങളിൽ വളരെയധികം സജീവമാണ്.പല കാര്യങ്ങളെക്കുറിച്ചും അദ്ദേഹം സംസാരിക്കാറുണ്ട്.റയൽ മാഡ്രിഡ് എന്ന ക്ലബ്ബിനോടും ക്രിസ്റ്റ്യാനോ റൊണാൾഡോയോടും ഒരല്പം വിരോധം വെച്ച് പുലർത്തുന്ന വ്യക്തിയാണ് അഗ്വേറോ. അദ്ദേഹത്തിന്റെ സമീപകാല പ്രസ്താവനകളിൽ നിന്നും അത് വളരെ വ്യക്തമാണ്.

ഇപ്പോഴിതാ അത്തരത്തിലുള്ള ഒരു പ്രസ്താവന അഗ്വേറോ നടത്തിയിട്ടുണ്ട്. അതായത് സൂപ്പർ താരം ക്രിസ്റ്റ്യാനോ റൊണാൾഡോ തന്റെ കരിയറിൽ നേടിയിട്ടുള്ള ഫ്രീകിക്ക് ഗോളുകൾ എല്ലാം തന്നെ ഭാഗ്യം കൊണ്ട് ഗോളായി മാറിയതാണ് എന്നാണ് അഗ്വേറോ പറഞ്ഞിട്ടുള്ളത്. താരത്തിന്റെ ഈ പ്രസ്താവന ഇപ്പോൾ ഫുട്ബോൾ ലോകത്ത് വലിയ രൂപത്തിൽ ചർച്ച ചെയ്യപ്പെടുന്നുണ്ട്.

മാത്രമല്ല ചാമ്പ്യൻസ് ലീഗിലെ ആദ്യപാദ പ്രീ ക്വാർട്ടർ പോരാട്ടത്തിൽ റയൽ മാഡ്രിഡിനെ ചെൽസി പരാജയപ്പെടുത്തുമെന്നും എൻസോ ഫെർണാണ്ടസ് തിളങ്ങുമെന്നുമുള്ള പ്രവചനം അഗ്വേറോ നടത്തിയിരുന്നു. എന്നാൽ അത് തെറ്റുന്നതാണ് ഇന്നലെ കണ്ടത്. ഇന്നലെ നടന്ന മത്സരത്തിൽ എതിരില്ലാത്ത രണ്ടു ഗോളുകൾക്ക് റയൽ മാഡ്രിഡ് ചെൽസിയെ പരാജയപ്പെടുത്തിയിരുന്നു.