ചരിത്രം പിറന്നു,ഖത്തർ വീണു!

ഈ വർഷത്തെ വേൾഡ് കപ്പിലെ ഉദ്ഘാടന മത്സരത്തിൽ ആതിഥേയരായ ഖത്തറിന് പരാജയം. എതിരില്ലാത്ത രണ്ട് ഗോളുകൾക്കാണ് ഇക്വഡോർ ആതിഥേയരെ പരാജയപ്പെടുത്തിയിട്ടുള്ളത്. രണ്ട് ഗോളുകളും നേടിയ ഇന്നർ വലൻസിയയാണ് ഇക്വഡോറിന്റെ വിജയശില്പി.

വേൾഡ് കപ്പിന്റെ ചരിത്രത്തിൽ ഇതുവരെ ഉദ്ഘാടനം മത്സരം കളിച്ച ആദ്യ പരാജയപ്പെട്ടിട്ടില്ലായിരുന്നു. എന്നാൽ ഖത്തറിൽ ആ ചരിത്രം ഇക്വഡോർ തിരുത്തി കുറിക്കുകയായിരുന്നു. അർഹിച്ച വിജയം തന്നെയാണ് ഇപ്പോൾ ഇക്വഡോർ കരസ്ഥമാക്കിയിട്ടുള്ളത്.

മത്സരത്തിന്റെ മൂന്നാം മിനിറ്റിൽ തന്നെ വലൻസിയ ഗോൾ നേടിയിരുന്നുവെങ്കിലും ഓഫ്സൈഡ് വിധിക്കുകയായിരുന്നു.എന്നാൽ പതിനാറാം മിനിറ്റിൽ ലഭിച്ച പെനാൽറ്റി അനായാസം അദ്ദേഹം വലയിൽ എത്തിച്ചു. 31ആം മിനിട്ടിൽ പ്രസിയാഡോയുടെ ക്രോസിൽ നിന്നും വലൻസിയ ഹെഡറിലൂടെ ഒരു ഗോൾ കൂടി നേടുകയായിരുന്നു. പിന്നീട് ഖത്തറിന് കാര്യമായൊന്നും ചെയ്യാൻ സാധിക്കാതെ വന്നതോടെ മത്സരത്തിൽ ഇക്വഡോർ വിജയം കരസ്ഥമാക്കി.

നാളെ രണ്ടു മത്സരങ്ങളാണ് വേൾഡ് കപ്പിൽ നടക്കുന്നത്.സെനഗലും നെതർലാൻസും തമ്മിലും ഇംഗ്ലണ്ടും ഇറാനും തമ്മിലുമാണ് നാളെ ഏറ്റുമുട്ടുന്നത്.